जळगाव : शहरातील सिंधी कॉलनीत बांधकामाच्या ठिकाणी खिडकीचे ग्रील बसविण्याचे काम करताना मजुराचा अचानक तोल गेला. यामुळे मजूर चौथ्या मजल्यावरून पडल्याची घटना घडली होती. चार दिवसांपासून मृत्यूशी झुंज देत असलेल्या जखमी मजुराचा सोमवारी उपचार सुरू असताना मृत्यू झाला आहे. शेख वाहिद शेख रफिक (वय-३४ रा. शाहु नगर, जळगाव) असे मृत झालेल्या मजुराचे नाव आहे.
जळगावात गुन्हेगारासोबत पोलिसांचा झिंगाट डान्स, दीड वर्षांपूर्वीचा व्हिडीओ व्हायरल होताच चर्चांना उधाण
या घटनेप्रकरणी नातेवाईकांनी माहिती दिली आहे. जळगाव शहरातील शाहू नगरात शेख वाहिद शेख रफिक हा आई, पत्नी आणि दोन मुलींसह वास्तव्याला होता. इमारतीच्या खिडक्या बसविण्याची काम करणाऱ्या ठेकेदाराकडे तो पाच वर्षांपासून कामाला होता. ठेकदाराचे सध्या शहरातील सिंधी कॉलनीत एका बांधकाम केलेल्या इमारतीला खिडक्या बसविण्याचे काम सुरू होते.
शेतात बापलेकाने प्राण सोडले, दोघांची एकत्रच अंत्ययात्रा, अख्ख्या गावाने चूल पेटवली नाही
शेख वाहिद हा ३ ऑगस्टला नेहमीप्रमाणे कामावर गेला होता. त्यावेळी दुपारच्या सुमारास खिडकी बसविताना अचानक तोल गेल्याने तो चौथ्या मजल्यावरून खाली पडला. येथे काम करणाऱ्या मजुरांनी तातडीने जखमी अवस्थेत गोदावरी वैद्यकीय महाविद्यालयात उपचारासाठी दाखल केले. गेल्या चार दिवसांपासून त्याची मृत्यूशी झुंज सुरू होती. ही झुंज अपयशी ठरली आणि सोमवारी दुपारी ३ वाजता उपचार सुरू असताना त्याची प्राणज्योत मालवली.

शेतातही पाणी अन् डोळ्यातही; पुरामुळे शेती खरडून गेली, कोटींच्या उत्पन्नाची अपेक्षा, तरी बळीराजाची ओंजळ रिकामीच

शेख वाहिदच्या मृत्यूने जिल्हा रुग्णालयात कुटुंबीयांनी प्रचंड आक्रोश केला. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे. मृत शेख वाहिद याच्या पश्चात आई मुमताजबी, भाऊ इरशाद, पत्नी फरजाना आणि तेहरीन व आयात या दोन मुली असा परिवार आहे.