म. टा. वृत्तसेवा, यवतमाळ : प्रेमात अडसर ठरत असल्याने सुपारी देऊन प्रेयसीच्या पतीला संपविल्याची घटना दारव्हा येथे गुरुवारी समोर आली आहे. दोन दिवसांपूर्वी दारव्हाच्या कुपटा मार्गावरील जिनिंगजवळ एका नालीत अनोळखी जखमी व्यक्तीचा मृतदेह पोलिसांना आढळला होता. त्याच्या डोक्यावर वार केल्याचे दिसत होते. तातडीने त्याला रुग्णालयात दाखल करण्यात आले.
प्रकृती गंभीर असल्याने यवतमाळच्या वसंतराव नाईक शासकीय वैद्यकीय महाविद्यालयाच्या रुग्णालयात दाखल करण्यात आले. २ ऑगस्टला उपचारादरम्यान त्याचा मृत्यू झाला. अधिक तपासात सदर व्यक्ती उमेश असल्याचे स्पष्ट झाले. याच्या पत्नीचे गावातीलच शंकर प्रेमसिंग चव्हाण (२२) याच्यासोबत प्रेमसंबंध होते. यातूनच ही घटना घडल्याचा संशय बळावला. शंकरला ताब्यात घेऊन चौकशी करण्यात आली असता त्याने गुन्ह्याची कबुली दिली. नेर तालुक्यातील रामा शंकर जाधव याला ३० हजार रुपयांत उमेशला ठार मारण्याची सुपारी त्याने दिली होती. दारव्हा पोलिसांनी दोघांनाही ताब्यात घेऊन न्यायालयात सादर केले असता शंकर आणि रामा यांना सात दिवसांची पोलिस कोठडी ठोठावण्यात आली आहे.
प्रकृती गंभीर असल्याने यवतमाळच्या वसंतराव नाईक शासकीय वैद्यकीय महाविद्यालयाच्या रुग्णालयात दाखल करण्यात आले. २ ऑगस्टला उपचारादरम्यान त्याचा मृत्यू झाला. अधिक तपासात सदर व्यक्ती उमेश असल्याचे स्पष्ट झाले. याच्या पत्नीचे गावातीलच शंकर प्रेमसिंग चव्हाण (२२) याच्यासोबत प्रेमसंबंध होते. यातूनच ही घटना घडल्याचा संशय बळावला. शंकरला ताब्यात घेऊन चौकशी करण्यात आली असता त्याने गुन्ह्याची कबुली दिली. नेर तालुक्यातील रामा शंकर जाधव याला ३० हजार रुपयांत उमेशला ठार मारण्याची सुपारी त्याने दिली होती. दारव्हा पोलिसांनी दोघांनाही ताब्यात घेऊन न्यायालयात सादर केले असता शंकर आणि रामा यांना सात दिवसांची पोलिस कोठडी ठोठावण्यात आली आहे.
आरोपीला तळेगाव येथून अटक
घटनेच्या दिवशी गंभीर अवस्थेतील इसमाची ओळख पटल्यानंतर पोलीस मांगकिन्ही येथे पोहोचले. याचवेळी प्रेमसंबंधाची माहिती पोलिसांच्या हाती लागली. जमादार सुरेश राठोड यांनी मृतकाच्या पत्नीच्या मोबाइलमधील कॉल तपासणी केली. त्यामध्ये मृतकाच्या पत्नीचे आरोपी शंकरला कॉल झाल्याचे दिसले. त्यावरून सापळा रचत आरोपी शंकरला ताब्यात घेण्यात आले. पोलीस खाक्या दाखविताच शंकरने अन्य सहकाऱ्यांची नावे सांगितली. नेर तालुक्यातील सिंदखेड येथून एक आरोपी अटक झाला असून, एक पसार होता. त्यास अमरावती तळेगाव येथून अटक केली. त्याच्याकडून मृतकाची दुचाकी, मोबाइल पोलिसांनी जप्त केला.
दारू पिऊन घडवले हत्याकांड
आरोपी शंकरने खुनासाठी ३० हजार रुपये देण्याचे दोन आरोपींना कबुल केले होते. घटनेच्या दिवशी मंगळवारी आरोपी रामाने सहकाऱ्याला फोन केला. त्यानंतर दोघेही दारव्हा येथे आले. तेथून ऑटोने घटनास्थळी पोहोचले. याठिकाणी दोन्ही आरोपी दारू प्राशन करीत मृतक उमेश व शंकरची वाट पाहत होते. तर आरोपी शंकर व मृतक उमेश यांनी दारव्ह्यात मद्य प्राशन करून दुचाकीने निघाले. घटनास्थळावर पोहोचल्यानंतर आरोपी शंकरने शौचास जाण्याचा बहाणा करून शेतात गेला. यावेळी उमेश हा रस्त्यावर फोनवर बोलत होता. त्याचवेळी त्याची रामा व त्याच्या साथीदाराने दगडाने व लोखंडी हुकने वार करून हत्या केली. या दरम्यान आरोपी शंकरने मृतकाच्या दुचाकीने रस्त्यावर कुणी येत आहे का, याची रेकी केली होती. उमेश मृत पावल्याचे समजून आरोपी घटनास्थळावरून पसार झाले होते.