तर, ‘एटीएसने न्यायालयात आरोपीविरोधात आरोपपत्र दाखल केले आहे. त्यामुळे आता व्हॉइस लेयर ॲनालिसिस चाचणीची आवश्यकता नाही,’ असे बचाव पक्षाचे वकील ॠषीकेश गानू यांनी न्यायालयात सांगितले. दरम्यान, कुरुलकरने समाज माध्यमातून दिलेली माहिती ‘पब्लिक डोमेन’मध्ये उपलब्ध आहे. ती माहिती यापूर्वी विविध वेबसाइट, मुलाखती किंवा वृत्तपत्रातील लेखांमधून प्रसिद्ध झाली आहे. कुरुलकर विरोधात आरोपपत्रदेखील दाखल झाले आहे. त्यामुळे तुरुंगातून बाहेर येऊन कुरुलकर तांत्रिक पुराव्यांमध्ये फेरफार करेल अशी शक्यता नाही. या निकषांवर आम्ही जामीन अर्जदाखल केला आहे, अशी माहिती ॲड. ऋषीकेश गानू यांनी दिली.
दादा कोंडकेंच्या लोकप्रिय चित्रपटांबाबत मुंबई हायकोर्टाचा मोठा निर्णय; कोणाकडे सोपवले जाणार प्रिंट?
जामीन अर्जावर नऊ ऑगस्टला युक्तिवाद

प्रदीप कुरुलकर याने वकिलांमार्फत न्यायालयात जामिनासाठी अर्ज केला आहे. त्यावर येत्या नऊ ऑगस्ट रोजी सरकारी वकील आणि तपास अधिकारी लेखी युक्तिवाद करणार आहेत. त्यानंतर जामीनावर सुनावणी होईल.