या प्रकरणाची रेल्वे आणि गृह मंत्रालयाकडून उच्च पातळीवर तपासणी केली जात आहे. माहितीनुसार, १२ फेब्रुवारी २०२३ रोजी चेतन सिंह यांना चिंताग्रस्त झटक्यानंतर मथुरा जिल्ह्यातील सुपर स्पेशालिटी हॉस्पिटलमध्ये न्यूरोसर्जनचा सल्ला घेतला. यादरम्यान त्याला असामान्य भ्रम आणि डोकेदुखीची लक्षणेही दिसून आली. त्याच्या वैद्यकीय नोंदीवरून असे दिसून आलं की त्याच्यावर मानसिक उपचार सुरू होते. सिंग यांच्या नोंदी दाखवत आग्रा इथल्या मानसिक आरोग्य आणि रुग्णालयातील एका वरिष्ठ डॉक्टरांनी सांगितले की वैद्यकीय नोंदीनुसार तो पीडित आहे.

पुढे ते म्हणाले की, नोंदीनुसार काही मायक्रोहेमरेजमुळे रुग्णाच्या मेंदूमध्ये लक्षणीय बदल झाले आहेत. त्याला दिलेले मनोविकारविरोधी औषध हे मज्जातंतूंच्या पेशींची असामान्य आणि जास्त क्रियाशीलता कमी करून मन शांत करण्यासाठी होते. हे मेंदूतील रासायनिक संदेशवाहक प्रक्रियेला देखील अवरोधित करते ज्याचा विचार आणि मूडवर परिणाम होतो. डॉक्टरांनी पुढे सांगितले की, तो वेदनाशामक (वेदना कमी करणारा पदार्थ) आणि गॅस्ट्रोएसोफेजल रिफ्लक्स रोगासाठी औषधे घेत होता, जो कदाचित न्यूरोलॉजिकल तणावामुळे झाला होता. ज्या घटनेत त्याने चार जणांना ठार केले ती घटना असामान्य भ्रमामुळे निर्माण झालेल्या आक्रमकतेचा परिणाम असावी.

दिल्लीतील एका ट्रान्सपोर्ट कंपनीत काम करणारा चेतनचा लहान भाऊ लोकेश म्हणाला की, ‘माझा भाऊ विचित्र आवाज ऐकण्याची तक्रार करायचा. याबद्दल तो कधीही स्पष्ट बोलला नाही पण तो काहीतरी तोडक्या भाषेत बोलायचा. कधीकधी खूप आक्रमक व्हायचा. त्याने अनेकदा डोकेदुखीची आणि झोप येत नसल्याची तक्रारही केली होती.

मुंबईतील पोलीस सूत्रांनी असेही सांगितले की, चेतन सिंग काही वेळा विचित्र पद्धतीने बोलत असे. अधिकार्‍यांनी सांगितले की तो कधीकधी कुटुंबातील लोकांनाही ओळखायचा नाही. सोमवारी रात्री उशिरा बोरिवली जीआरपी कर्मचाऱ्यांनी त्याला कूपर रुग्णालयात नेले, जिथे मानसिक आरोग्याशी संबंधित चाचण्यांसह संपूर्ण वैद्यकीय तपासणी करण्यात आली. मंगळवारी लोकेश सिंग चेतनला पाहण्यासाठी मुंबईला रवाना झाला, त्याला ७ ऑगस्ट २०२३ पर्यंत पोलीस कोठडी सुनावण्यात आली आहे.