मुंबई : उद्धव ठाकरे गटाकडून शनिवारी उत्तर भारतीयांचे अधिवेशन आयोजित करण्यात आले होते. या अधिवेशनात ठाकरे गटाच्या खासदार प्रियांका चतुर्वेदी यांनी मुख्यमंत्री एकनाथ शिंदे गटावर जोरदार हल्ला चढवला. यानंतर एकनाथ शिंदे गटाचे आमदार संजय शिरसाट यांनीही प्रियांका चतुर्वेदींवर निशाणा साधला आहे. शिरसाट म्हणाले की, प्रियांका चतुर्वेदी आपल्या भाषणात म्हणतात की देशद्रोह्यांना माफी नाही. त्या स्वतः काँग्रेसशी गद्दारी करून शिवसेनेत आल्या आहेत आणि आम्हाला देशद्रोही म्हणत आहेत.
दरम्यान, माध्यमांशी बोलताना संजय शिरसाट यांनी मोठा दावा केला आहे. ते म्हणाले की, एकदा शिवसेना नेते चंद्रकांत खैरे म्हणाले होते की, आदित्य ठाकरे यांनी प्रियांका चतुर्वेदीला त्यांचे सौंदर्य पाहून राज्यसभा सदस्य केले होते. प्रियांका चतुर्वेदींनी आम्हाला देशद्रोही म्हणणे हा मोठा विनोद असल्याचे संजय शिरसाट म्हणाले.
दरम्यान, माध्यमांशी बोलताना संजय शिरसाट यांनी मोठा दावा केला आहे. ते म्हणाले की, एकदा शिवसेना नेते चंद्रकांत खैरे म्हणाले होते की, आदित्य ठाकरे यांनी प्रियांका चतुर्वेदीला त्यांचे सौंदर्य पाहून राज्यसभा सदस्य केले होते. प्रियांका चतुर्वेदींनी आम्हाला देशद्रोही म्हणणे हा मोठा विनोद असल्याचे संजय शिरसाट म्हणाले.
या मुद्द्यावर आदित्य ठाकरे यांनी आपली प्रतिक्रिया दिली आहे. संजय शिरसाटांसारख्या लोकांना फार महत्व देण्याची गरज नाही. त्यांना एकनाथ शिंदे गटात रस नाही, त्यामुळेच ते असे बोलत आहेत. अशा लोकांना बोलू द्या, असे ते म्हणाले. उद्धव ठाकरेंची कालची सभा उत्तर भारतीयांसाठी नव्हती. या सभेत मोजकेच उत्तर भारतीय होते. काही ठाकरे गटाचे शिवसैनिक होते. त्यामुळे संपूर्ण विधानसभा उत्तर भारतीयांची होती असे म्हणता येणार नाही, असे शिरसाट यांनी म्हटले आहे.
सेल्फीच्या नादात महिला पडली नदीत; डहाणू पंचायत समिती सभापतींनी थेट घेतली उडी आणि…
प्रियांका चतुर्वेदी यांनी दिले प्रत्युत्तर
संजय शिरसाट यांच्या या वक्तव्यामुळे खासदार प्रियांका चतुर्वेदी चांगल्याच संतापल्या आहेत. त्यांनी तिखट शब्दात आमदार संजय शिरसाट यांना प्रत्युत्तर दिले आहे.
प्रियांका चतुर्वेदी यांनी ट्विट करत हे प्रत्युत्तर दिले आहे. त्या आपल्या ट्विटमध्ये म्हणतात, ‘मी कशी दिसते आणि मी जिथे आहे तिथे का आहे हे मला एका गद्दार व्यक्तीने सांगायची गरज नाही, ज्याने ५० खोक्यांसाठी आपला आत्मा आणि प्रामाणिकपणा विकला.
ITR भरण्यासाठी शेवटचा १ दिवस बाकी, आयकर विभागाने केली ही मोठी घोषणा, तयार ठेवा ही महत्त्वाची कागदपत्रे
‘संजय शिरसाट हे राजकारण आणि महिलांबद्दलच्या त्यांच्या विचारांमधील व्यापक आजाराचे एक उत्तम उदाहरण आहे, ते त्यांच्या टिप्पण्यांमधून स्वतःचे असभ्य चारित्र्य निश्चितपणे प्रदर्शित करतात, यात आश्चर्य नाही की भाजपने त्यांना त्यांच्यासोबत ठेवले आहे.’, असे त्या पुढे म्हणाल्या.