म. टा. प्रतिनिधी, मुंबई : ठाणे ते कल्याण आणि पनवेल ते वाशीदरम्यान मध्य रेल्वेने रविवारी मेगाब्लॉक घोषित केला आहे. पश्चिम रेल्वेवर मरिन लाइन्स ते माहीमदरम्यान ब्लॉक घोषित करण्यात आला आहे. यामुळे लोकलसह लांब पल्ल्यांच्या मेल-एक्स्प्रेसच्या फेऱ्यांवर परिणाम होणार आहेत. काही रेल्वेगाड्या रद्द करण्यात येणार असून, काही फेऱ्या विलंबाने धावणार आहे.
मध्य रेल्वे
स्थानक : ठाणे ते कल्याण
मार्ग : पाचवी आणि सहावी मार्गिका
वेळ : सकाळी ९ ते दुपारी १
मध्य रेल्वे
स्थानक : ठाणे ते कल्याण
मार्ग : पाचवी आणि सहावी मार्गिका
वेळ : सकाळी ९ ते दुपारी १
परिणाम : ब्लॉकवेळेत मेल-एक्स्प्रेस जलद मार्गावर वळवण्यात येणार आहेत. मुंबई-पुणे डेक्कन क्वीन, सिंहगड, प्रगती यांसह एकूण १६ मेल-एक्स्प्रेसच्या वेळापत्रकावर परिणाम होणार आहे. यामुळे जलद मार्गावरील लोकल फेऱ्या २० मिनिटे विलंबाने धावतील.
हार्बर रेल्वे
स्थानक : पनवेल ते वाशी
मार्ग : अप आणि डाऊन
वेळ : सकाळी ११.०५ ते दुपारी ४.०५
परिणाम : सीएसएमटी ते पनवेल/बेलापूर, ठाणे ते पनवेल अप-डाऊन लोकल फेऱ्या रद्द राहणार आहे. सीएसएमटी ते वाशी अप-डाऊन विशेष फेऱ्या चालवण्यात येतील. बेलापूर/नेरुळ/खारकोपरदरम्यान वेळापत्रकाप्रमाणे चालवण्यात येणार आहे.
पश्चिम रेल्वे
स्थानक : मरिन लाइन्स ते माहीम
मार्ग : अप आणि डाऊन धीमा
वेळ : सकाळी १०.३५ ते दुपारी ३.३५
परिणाम : ब्लॉकवेळेत धीम्या मार्गावरील सर्व लोकलफेऱ्या जलद मार्गावर वळवण्यात येणार आहेत. फलाटाच्या अनुपलब्धतेमुळे महालक्ष्मी, प्रभादेवी आणि माटुंगा रोडवर लोकल थांबणार नाहीत. यामुळे काही लोकल फेऱ्या रद्द राहणार असून, काही विलंबाने धावणार आहेत.
‘पीएमपी’ बससेवेवर पुणेकर नाराज; दररोज २८ ई-बस बंद, होतेय मोठी गैरसोय, काय कारण?
आज ११.३० शेवटची कर्जत लोकल
आज, शनिवारी मध्यरात्री १.४५ ते पहाटे ३.१५पर्यंत अप आणि डाऊन दोन्ही मार्गांवर क्रेनच्या मदतीने गर्डर हटवण्यासाठी ब्लॉक घेण्यात येणार आहेत. यामुळे (११०२०) भुवनेश्वर-मुंबई कोणार्क एक्स्प्रेस आणि (१८५१९) विशाखापट्टणम-एलटीटी एक्स्प्रेस कर्जत-पनवेल-दिवामार्गे वळवण्यात येणार आहेत. मध्यरात्री १२.२४ची कर्जत लोकल बदलापूरपर्यंत चालवण्यात येणार आहे. रात्री ११.३० ही सीएसएमटीहून सुटणारी शेवटची लोकल असणार आहे. कर्जतऐवजी बदलापूरवरून पहिली लोकल पहाटे २.३३ वाजता सीएसएमटीसाठी रवाना होईल.