नवी मुंबई : लिफ्टदुरुस्तीचे काम करणाऱ्या टेक्निशियनच्या निष्काळजीमुळे एका कुरिअर बॉयचा लिफ्टमध्ये अडकून मृत्यू झाल्याची घटना नेरूळ सेक्टर २१ मधील विघ्नहर सोसायटीत गेल्या आठवड्यात घडली. नेरूळ पोलिसांनी या दुर्घटनेला जबाबदार धरून लिफ्ट दुरुस्त करणारा टेक्निशियन आणि सोसायटीचे सेक्रेटरी व चेअरमनविरोधात निष्काळजीचा गुन्हा दाखल केला आहे.
या दुर्घटनेत मृत झालेल्या व्यक्तीचे नाव विशाल बबन इंदुलकर (वय ३५) असे असून तो वाशीतील जुहू गाव सेक्टर ११ मध्ये राहण्यास होता. विशाल हा विचारे एक्स्प्रेस या कुरीअर कंपनीमध्ये डिलिव्हरी बॉयचे काम करत होता. १८ जुलै रोजी दुपारी दीड वाजण्याच्या सुमारास विशाल नेरूळ सेक्टर २१मधील विघ्नहर सोसायटीत कुरीअर देण्यासाठी गेला होता. या इमारतीच्या ए-१ विंगमधील लिफ्टमध्ये तांत्रिक बिघाड झाल्याने या ठिकाणी न्यू एशियन लिफ्ट कंपनीचा टेक्नीशियन लिफ्टच्या दुरुस्तीचे काम करत होता.
या दुर्घटनेत मृत झालेल्या व्यक्तीचे नाव विशाल बबन इंदुलकर (वय ३५) असे असून तो वाशीतील जुहू गाव सेक्टर ११ मध्ये राहण्यास होता. विशाल हा विचारे एक्स्प्रेस या कुरीअर कंपनीमध्ये डिलिव्हरी बॉयचे काम करत होता. १८ जुलै रोजी दुपारी दीड वाजण्याच्या सुमारास विशाल नेरूळ सेक्टर २१मधील विघ्नहर सोसायटीत कुरीअर देण्यासाठी गेला होता. या इमारतीच्या ए-१ विंगमधील लिफ्टमध्ये तांत्रिक बिघाड झाल्याने या ठिकाणी न्यू एशियन लिफ्ट कंपनीचा टेक्नीशियन लिफ्टच्या दुरुस्तीचे काम करत होता.
मात्र, त्याठिकाणी कुणीच नसल्याने तसेच, लिफ्टच्या दुरुस्तीचा फलकही तेथे नसल्याने विशाल नेहमीप्रमाणे लिफ्टचा दरवाजा उघडून लिफ्टमध्ये गेला. लिफ्टमध्ये प्रवेश करताक्षणी ही लिफ्ट अचानक चालू होऊन वर गेल्याने विशाल तळमजल्यावर लिफ्टमध्ये अडकून जबर जखमी झाल्याने त्याचा जागीच मृत्यू झाला. नेरूळ पोलिसांनी या प्रकरणी अकस्मात मृत्यूची नोंद करून या दुर्घटनेचा तपास केला असता, टेक्निशियनने लिफ्टच्या दुरुस्तीचे काम करताना येथे आवश्यक त्या सुरक्षेच्या उपाययोजना केल्या नसल्याचे आढळून आले.
तसेच, सोसायटीचे सेक्रेटरी व चेअरमन यांनीही लिफ्टची देखभाल-दुरुस्ती वेळेवर केली नसल्याचे आढळून आले. त्यामुळे या सर्वांच्या निष्काळजीमुळे विशाल इंदुलकर याचा लिफ्टमध्ये अडकून मृत्यू झाल्याचे आढळून आले आहे. त्यानुसार, पोलिसांनी लिफ्टदुरुस्तीचे काम करणारा टेक्निशियन तसेच, सोसायटीचे सेक्रेटरी व चेअरमन यांच्या विरोधात गुन्हा दाखल करून पुढील कार्यवाहीला सुरुवात केली आहे.
Red Alert for Heavy Rain : पावसाचा रेड अलर्ट, मुंबईसह या ४ जिल्ह्यांमध्ये आज शाळा-महाविद्यालयांना सुट्टी जाहीर