बदनापूर, दुधनवाडीमधील आकाश बापूराव शिंदे (वय २३) हा रविवारी शहरात राहणाऱ्या बहिणीला भेटण्यासाठी आला होता. बहिणीला भेटून तो घराच्या दिशेने दुचाकीने जात असताना रात्री साडेनऊच्या सुमारास जालना रोडवरील ओएस्टोन शाळेजवळील एका हॉटेलसमोर भरधाव दुचाकीस्वाराने त्याला जोराची धडक दिली. यात डोक्याला जबर मार लागल्याने तो जागीच बेशुद्ध पडला. घटनेची माहिती मिळताच चिकलठाणा पोलिसांनी घटनास्थळी धाव घेत आकाशला गंभीर जखमी अवस्थेत घाटीत दाखल केले असता डॉक्टरांनी तपासून त्याला मृत घोषित केले.
Nashik News: सिनेस्टाईल पाठलाग करुन भररस्त्यात तरुणाला संपवलं; २ संशयितांसह विधिसंघर्षित मुलाला अटक

आकाश हा पुण्यात अभियंता म्हणून नोकरीला होता. आकाशचे नुकतेच लग्न जमले होते. दोन महिन्यांनंतर त्याचे लग्न होणार होते. या प्रकरणी चिकलठाणा पोलिस ठाण्यात अपघाताची नोंद करण्यात आली आहे.