म. टा. विशेष प्रतिनिधी, मुंबई : राज्यातील स्वाइन फ्लूच्या एकूण रुग्णांपैकी सर्वाधिक, म्हणजे ८० टक्क्यांपेक्षा अधिक रुग्ण हे मुंबईतील आहेत. राज्यात १ ते १६ जुलै या कालावधीमध्ये स्वाइन फ्लूच्या एकूण ६१ रुग्णांची नोंद करण्यात आली असून त्यातील ५२ रुग्ण हे मुंबईतील आहेत.
मध्यम वयोगटापासून वयोवृद्ध व्यक्तींमध्ये स्वाइन फ्लूच्या लक्षणांची तीव्रता दिसून आल्याचे संसर्गजन्य आजाराचे तज्ज्ञ डॉ. रोहित नायर यांनी सांगितले. या रुग्णांमध्ये सर्दी, खोकला, अंगदुखी यांसारखी लक्षणे दिसून येत होती. रुग्णालयामध्ये दाखल केल्यानंतर त्यांच्या शरीरातील ऑक्सिजनची पातळी कमी झाल्याचे दिसून आले. केवळ ताप या लक्षणावरून स्वाइन फ्लूचे निदान करणे अवघड असले तरीही तापाची तीव्रता व त्याची वारंवारिता हे घटक स्वाइन फ्लूच्या आजारामध्ये महत्त्वाचे ठरतात. आता जे रुग्ण वैद्यकीय उपचार घेतात ते चार ते पाच दिवसांमध्ये आजारातून बरे होतात. त्यामुळे योग्यवेळी आजाराचे निदान होणेही गरजेचे आहे.
मध्यम वयोगटापासून वयोवृद्ध व्यक्तींमध्ये स्वाइन फ्लूच्या लक्षणांची तीव्रता दिसून आल्याचे संसर्गजन्य आजाराचे तज्ज्ञ डॉ. रोहित नायर यांनी सांगितले. या रुग्णांमध्ये सर्दी, खोकला, अंगदुखी यांसारखी लक्षणे दिसून येत होती. रुग्णालयामध्ये दाखल केल्यानंतर त्यांच्या शरीरातील ऑक्सिजनची पातळी कमी झाल्याचे दिसून आले. केवळ ताप या लक्षणावरून स्वाइन फ्लूचे निदान करणे अवघड असले तरीही तापाची तीव्रता व त्याची वारंवारिता हे घटक स्वाइन फ्लूच्या आजारामध्ये महत्त्वाचे ठरतात. आता जे रुग्ण वैद्यकीय उपचार घेतात ते चार ते पाच दिवसांमध्ये आजारातून बरे होतात. त्यामुळे योग्यवेळी आजाराचे निदान होणेही गरजेचे आहे.
हे आहेत प्रतिबंधात्मक उपाय
करोना इन्फ्लूएन्झाबाबत नियमित रुग्णसर्वेक्षण तसेच, संपर्कात असलेल्या रुग्णांच्या आरोग्य चाचणीच्या सूचना देण्यात आल्या आहेत. त्यात आरोग्य अधिकारी, जिल्हा शल्य चिकित्सक, वैद्यकीय आरोग्य अधिकारी यांचा समावेश आहे. शासकीय रुग्णालयामध्ये तसेच वैद्यकीय महाविद्यालयाच्या रुग्णालयामध्ये विलगीकरण कक्षाची स्थापना करण्यात आली आहे. रुग्णालयांमध्ये आवश्यक औषधोपचार व साधनसामग्रीचा साठा उपलब्ध असून राज्यातील सर्व सरकारी तसेच, खासगी डॉक्टरांचे ऑगस्ट २०२२मध्ये क्लिनिकल मॅनेजमेंटबाबत राज्यस्तरीय पुनर्प्रशिक्षण घेण्यात आले आहे. याशिवाय, स्वाइन फ्लूमुळे होणाऱ्या मृत्यूसंदर्भात मृत्यू विश्लेषण करण्याचे निर्देशही देण्यात आले आहेत.
राज्य सरकारचा मोठा निर्णय! आता ‘या’ आजाराने त्रस्त प्रवाशांना एसटीचा मोफत प्रवास
एच१एन१ व एच३एन२चे रुग्ण
आजाराचा प्रकार/१ जानेवारी-३० जून/ १ ते २२ जुलै
एच१एन१/ ५४५ रुग्ण/ ६ मृत्यू/ ८५ रुग्ण/ शून्य मृत्यू
एच३एन२/ ५७४ रुग्ण/ ६ मृत्यू/ १६५ रुग्ण/ शून्य मृत्यू