नागपूर : दारू पिण्यासाठी पैसे न दिल्याने एका गुंडाने मजुराच्या छातीत वार केल्याचा धक्कादायक प्रकार समोर आला आहे. प्रताप नगर पोलीस ठाण्याजवळ घडलेल्या या घटनेमुळे काही काळ भितीचे वातावरण निर्माण झाले होते. नितीन ब्रिजलाल बौरसी (वय ४५, रा. शारदानगर, जयताळा) याला चाकू भोसकून जखमी करण्यात आले आहे. या प्रकरणी प्रतापनगर पोलिसांनी मारहाणीचा गुन्हा दाखल करून हल्लेखोराला अटक केली आहे.
अनिल सुखदेव मेश्राम (वय ४२, रा. मानेवाडा चौक) असे अटक केलेल्या हल्लेखोराचे नाव आहे. अनिल मेश्राम हा गुन्हेगारी प्रवृत्तीचा आहे. तो रिक्षा चालवून किंवा कचरा उचलून आपला उदरनिर्वाह करत असतो. त्याला दारूचे व्यसन आहे. प्रतापनगर परिसरात तो नेहमी फिरत असतो.
अनिल सुखदेव मेश्राम (वय ४२, रा. मानेवाडा चौक) असे अटक केलेल्या हल्लेखोराचे नाव आहे. अनिल मेश्राम हा गुन्हेगारी प्रवृत्तीचा आहे. तो रिक्षा चालवून किंवा कचरा उचलून आपला उदरनिर्वाह करत असतो. त्याला दारूचे व्यसन आहे. प्रतापनगर परिसरात तो नेहमी फिरत असतो.
वाशिष्टीने धोकापातळी गाठली, कोकणाला अतिवृष्टीचा इशारा, अजित पवारांचा तातडीने कलेक्टरना फोन
त्रिमूर्ती नगर येथे राहणारे नितीन बोरासी हा मजूर आहे. नितीन हा त्रिमूर्ती नगर येथे ठीय्यावर मजूर म्हणून काम करतो. सोमवारी रात्री आठ ते साडेआठ वाजेच्या दरम्यान प्रतापनगर पोलीस ठाण्याजवळील त्रिमूर्तीनगर येथील एनआयटी गार्डनच्या बसस्थानकावर नितीन बसला होता. त्यादरम्यान तिथे अनिल मेश्राम आला आणि त्याने दारू पिण्यासाठी नितीनकडे २० रुपये मागितले.
नितीन हा आरोपी अनिल याला ओळखत नसल्याने त्याने त्याला पैसे देण्यासाठी नकार दिला. यावरून अनिल संतापला आणि त्याने नितीनला शिवीगाळ करू लागला आणि वाद घालण्यास सुरुवात केली. थोड्यावेळात वाद वाढल्याने आरोपी अनिलने त्याच्याकडे असलेला चाकू काढून नितीनच्या छातीत वार करत त्याला गंभीर जखमी करून अनिल तिथून फरार झाला. घटनेची माहिती मिळताच प्रतापनगर पोलिसांचे पथक तेथे पोहोचले. नितीनला मेडिकल कॉलेज हॉस्पिटलमध्ये दाखल करण्यात आले असून पोलिसांनी गुन्हा दाखल करत आरोपी अनिलला मेश्राम अटक केली आहे.
कोण आहे सात्विकसाईराज? शोएब अख्तरपेक्षा तिप्पट वेग अन् थेट गिनीज बुकमध्ये झाली नोंद