म. टा. खास प्रतिनिधी, मुंबई : एकाच स्रोतातून येणाऱ्या विजेचे दर दोन कंपन्यांसाठी वेगवेगळे असल्याची स्थिती टाटा पॉवर व बेस्ट या कंपन्यांबाबत निर्माण झाली आहे. टाटा पॉवरकडून मुंबईसाठी जेवढी वीज तयार होते, त्यातील जवळपास ५१ टक्के ते स्वत: वापरतात व उर्वरित बेस्ट उपक्रमला विक्री करतात. मात्र टाटा पॉवर आता या महिन्यापासून २०२० चेच दर लागू करणार आहे. त्यामुळे त्यांचे दर ‘बेस्ट’पेक्षा जवळपास २५ टक्के कमी झाल्याची स्थिती आहे. बेस्टच्या ग्राहकांचा आकडा साडेदहा लाख असून, त्यांना मात्र वाढीव दराने वीज घ्यावी लागेल.
सर्व वीज वितरण कंपन्यांची पंचवार्षिक दरनिश्चिती १ एप्रिल २०२० झाली. त्यानंतर महाराष्ट्र वीज नियामक आयोगाने या दरांचा मध्यकालीन आढावा जानेवारी-मार्च २०२३ दरम्यान घेतला व नवे दर १ एप्रिल २०२३पासून लागू झाले. मात्र या नव्या दरनिश्चितीत महागडे दर ठरविण्यात आले. त्यामुळे त्यावर स्थगिती आणावी, अशी याचिका टाटा पॉवरने वीज अपीलेट लवादाकडे (अॅप्टेल) केली होती. त्या याचिकेवर अॅपीलेटने मागील आठवड्यात अंतरिम निर्णय देत टाटा पॉवरच्या सध्याच्या दरांना अंतरिम स्थगिती दिली व २०२०-२१ साठीचे दर २०२३-२४ साठी लागू करण्याचे निर्देश दिले. यानंतर टाटा पॉवरच्या मुंबईतील साडेसात लाख ग्राहकांचे वीज दर चालू महिन्यापासून वेगवेगळ्या श्रेणीत १४ ते ३१ टक्क्यांनी घटले आहेत. पण तीच वीज ‘बेस्ट’ त्यांच्या ग्राहकांना देताना त्यांना मात्र १ एप्रिल २०२३ पासून लागू झालेल्या अधिकच्या दराने ग्राहकांना देत आहे.
सर्व वीज वितरण कंपन्यांची पंचवार्षिक दरनिश्चिती १ एप्रिल २०२० झाली. त्यानंतर महाराष्ट्र वीज नियामक आयोगाने या दरांचा मध्यकालीन आढावा जानेवारी-मार्च २०२३ दरम्यान घेतला व नवे दर १ एप्रिल २०२३पासून लागू झाले. मात्र या नव्या दरनिश्चितीत महागडे दर ठरविण्यात आले. त्यामुळे त्यावर स्थगिती आणावी, अशी याचिका टाटा पॉवरने वीज अपीलेट लवादाकडे (अॅप्टेल) केली होती. त्या याचिकेवर अॅपीलेटने मागील आठवड्यात अंतरिम निर्णय देत टाटा पॉवरच्या सध्याच्या दरांना अंतरिम स्थगिती दिली व २०२०-२१ साठीचे दर २०२३-२४ साठी लागू करण्याचे निर्देश दिले. यानंतर टाटा पॉवरच्या मुंबईतील साडेसात लाख ग्राहकांचे वीज दर चालू महिन्यापासून वेगवेगळ्या श्रेणीत १४ ते ३१ टक्क्यांनी घटले आहेत. पण तीच वीज ‘बेस्ट’ त्यांच्या ग्राहकांना देताना त्यांना मात्र १ एप्रिल २०२३ पासून लागू झालेल्या अधिकच्या दराने ग्राहकांना देत आहे.
टाटा पॉवरच्या जलविद्युत व ट्रॉम्बे येथील विजेवर बेस्टचे आरक्षण असून तसा खरेदी करार आहे. सद्य:स्थितीत जलविद्युत प्रकल्पातील ४४७ मेगावॉटपैकी २२९ मेगावॉट वीज बेस्टला जाते. तर ट्रॉम्बे येथील ७५० औष्णिक व मिश्र स्वरुपाच्या विजेपैकी ३५६ मेगावॉट वीज बेस्टकडे जाते. याखेरीज १८० मेगावॉट तेलावर आधारित संचदेखील ट्रॉम्बेमध्ये आहे. त्यातील ९२ मेगावॉट विजेवर बेस्टचे आरक्षण आहे. मात्र हा संच अत्यल्प सुरू असतो. अशा प्रकारे पूर्ण काळ कार्यान्वित असलेल्या एकूण ११९७ मेगावॉटपैकी (जलविद्युत, औष्णिक व मिश्र) जवळपास ४८.८७ टक्के (५८५ मेगावॉट) वीज बेस्टकडून खरेदी केली जाते व उर्वरित ६१२ मेगावॉट वीज टाटा पॉवर त्यांच्या ग्राहकांना देते. तसे असताना बेस्टच्या ग्राहकांचा व टाटा पॉवरच्या ग्राहकांसाठीच दर मात्र भिन्न आहे. टाटा पॉवरची सध्याची दररोजची वीज मागणी ८०० व बेस्टची ७०० मेगावॉटदरम्यान आहे. त्यामध्ये टाटा पॉवर स्वस्त नूतनीय ऊर्जा अधिकाधिक मिळवून ती ग्राहकांना देते. बेस्टला मात्र करार असल्याने टाटांची वीज खरेदी करणे बंधनकारक असून उर्वरित वीज अन्य स्रोतांमधून खरेदी केली जाते.
Good News : मुंबईकरांसाठी गुड न्यूज, साडेसात लाख ग्राहकांना स्वस्तात वीज मिळणार, जाणून घ्या कारण
या महिन्यापासूनचे रुपये प्रति युनिट वीज दर
(किरकोळ रहिवाशांसाठी)
श्रेणी (युनिट) टाटा पॉवर बेस्ट
०-१०० ३.३४ ३.६९
१०१-३०० ५.८९ ७.०४
३०१-५०० ९.३४ १०.६३
५०० अधिक १०.०४ १२.६०