नाशिक : मुंबई-नाशिक महामार्गावरील ट्रेलर आणि टॅक्सीचा भीषण अपघात झाला. खडवली फाट्याजवळ रस्ता क्रॉस करत असताना भरधाव वेगात येणाऱ्या ट्रेलरने टॅक्सीला जोरदार धडक दिली. ही धडक इतकी भीषण होती की यामध्ये ४ जणांचा जागीच मृत्यू झाला तर ८ जण जखमी झाले.
थरकाप उडवणारी ही घटना मंगळवारी सकाळी ८ वाजेच्या सुमारास घडली. अपघातानंतर स्थानिकांसह पोलिसांनी घटनास्थळी धाव घेतली. जखमींना तातडीने उपचारासाठी पडघा येथील ग्रामीण रूग्णालयात पाठवण्यात आले असून जखमींना खाजगी रूग्णालयात उपचारासाठी दाखल करण्यात आले आहे.
थरकाप उडवणारी ही घटना मंगळवारी सकाळी ८ वाजेच्या सुमारास घडली. अपघातानंतर स्थानिकांसह पोलिसांनी घटनास्थळी धाव घेतली. जखमींना तातडीने उपचारासाठी पडघा येथील ग्रामीण रूग्णालयात पाठवण्यात आले असून जखमींना खाजगी रूग्णालयात उपचारासाठी दाखल करण्यात आले आहे.
सकाळी ८ वाजेच्या सुमारास टॅक्सी रस्ता क्रॉस करत असताना महामार्गावर भरधाव वेगात येणाऱ्या ट्रेलरने जोरदार धडक दिली. ही धडक इतकी भीषण होती की, टॅक्सी सुमारे ६० फूट दूर फेकली गेली.
या अपघातात ४ प्रवाशांचा जागीच मृत्यू झाला आहे तर ८ प्रवाशी गंभीर जखमी झाले आहेत. अपघातानंतर पोलिसांनी तातडीने घटनास्थळी धाव घेत जखमींना रुग्णालयात उपचारासाठी दाखल केले. दरम्यान, या अपघाताचा पुढील तपास पडघा पोलिस करत आहे.
आधीही तिथेच अपघात
आधीही खडवली फाट्याजवळ एका ट्रेलरने आईस्क्रीमच्या गाडीला धडक दिल्याने एकाचा मृत्यू झाला होता. आज सकाळी पुन्हा याच ठिकाणी ट्रेलरने टॅक्सीला जोरदार धडक दिल्याने ४ जणांना प्राण गमवावे लागले.
बोरघाटातील अपघातात ९ जण जखमी
मुंबई-पुणे महामार्गावरील बोरघाटात सोमवारी रात्रीच्या सुमारास टेम्पो आणि कारच्या भीषण अपघातात कारमधील ९ जण आणि टेम्पोचालक जखमी झालाय. जखमींपैकी दोन महिलांची प्रकृती चिंताजनक आहे. जखमींवर रुग्णालयात उपचार सुरु आहे.