चिपळूण येथील तीव्र धरण फुटलं. त्यावेळी अजितदादांनी खंबीर पवित्रा घेत एका क्षणात सगळ्या गोष्टी पूर्ण करण्याचा निर्णय घेतला. चिपळूणमधील अनेक विकास मार्गी लावायची आहेत. चिपळूण शहरासाठी वेगळ्या पद्धतीचा केंद्र सरकारच्या बाराशे कोटी रुपयांचा मोठा प्रोजेक्ट करायचा आहे. यासाठी केंद्रीय पर्यटन मंत्री श्रीपाद नाही यांनाही आम्ही गोव्यात आणि दिल्लीत जाऊन आजवर अनेकदा भेटलो आहे. त्यामुळे दाभोळ ते कालूस्ते हा पहिला टप्पा मंजूर झाला आहे. त्याचे टेंडरही निघेल, अशीही महत्त्वाची घोषणा त्यांनी यावेळी केली. मतदार संघातील पाण्याचा प्रश्नही आपल्याला मिटवायचा आहे. यासाठी तीन छोटी धरणेही मंजूर झाली आहेत. आपल्याबरोबर अजितदादा असतील आणि आपण अजितदादांबरोबर असू तर आपल्याला कोणत्याही विकासकामांची कधीच कमी पडणार नाही, असा विश्वास त्यांनी यावेळी कार्यकर्त्यांना दिला.

ताकाला जायचं आणि भांडे लपवायचं असं काही मला कधीच करता आलं नाही आणि म्हणूनच सांगतो चिपळूण संगमेश्वर मतदारसंघाच्या स्वार्थासाठी मला हा निर्णय घ्यावा लागला. हा माझा स्वार्थ आहे. यामध्ये वैयक्तिक काहीच नव्हतं. अन्यथा मी माझ्या संस्थेच्या माध्यमातून सुखी आहे. असं मी नेहमीच माझ्या सहकाऱ्यांना सांगत आलो आहे. अशी स्पष्ट भूमिका आमदार शेखर निकम यांनी कार्यकर्त्यांसमोर मांडली. उपस्थित कार्यकर्त्यांनीही आमदार शेखर निकम यांच्या भूमिकेला जोरदार घोषणा देत पाठिंबा दिला.