दोन दिवसांपूर्वी पुण्यातील एक तरुणी कामानिमित्त मुंबईला गेली होती. तेथून परतत असताना त्या तरुणीने लोणावळा ते पुणे प्रवास लोकलने केला. या प्रवासात एक तरुण लोणावळ्यापासून तरुणीच्या मागावर असल्याचे आणि एकटक तिच्याकडे पाहत असल्याचे तरुणीच्या लक्षात आले. तरुणीने हेल्पलाइनवर संपर्क साधून मदत मागितली. ती तरुणी लोकलमधून शिवाजीनगर रेल्वे स्थानकात उतरणार होती. त्यामुळे लोकल पोहोचण्याआधीच दामिनी पथक तेथे पोहोचले. दरम्यान, महिला कर्मचाऱ्यांनी तरुणीशी संवाद साधला होता. स्थानकात कोठे भेटायचे हे त्यांनी निश्चित केले होते. त्यानुसार सर्व घडले. पोलिस कर्मचारी पाहून तो तरुण तेथून पळून गेला. त्यानंतर महिला कर्मचाऱ्यांनी तरुणीला घरापर्यंत सोडले. दामिनी पथकाच्या मदतीमुळे तरुणी सुखावली होती.

एका पोलिस ठाण्यासाठी दोन पथके

पोलिस दलाच्या रचनेनुसार पाच परिमंडळांत ३० पोलिस ठाणी आहेत. या प्रत्येक पोलिस ठाण्यांसाठी दोन दामिनी पथके कार्यान्वित करण्यात आल्या आहेत. त्या हेल्पलाइनचे क्रमांक पोलिस ठाण्याच्या हद्दीत विविध ठिकाणी दर्शनी भागात लावण्यात आले आहेत; तसेच सोशल मीडियाच्या माध्यमातूनही ते प्रसारित केले आहेत.

पेरुगेट येथील घटनेनंतर शहरातील दामिनी पथकांची संख्या चौदावरून चाळीसपर्यंत वाढविण्यात आली आहे. महिला पोलिस कर्मचाऱ्यांना त्यासाठी प्रशिक्षणही दिले आहे. अधिकधिका महिला, तरुणींपर्यंत दामिनी पथकाचे हेल्पलाइन नंबर पोहोचविण्यासाठी सर्वतोपरी प्रयत्न केले जात आहेत. त्यातून गरजूंना मदत पोहोचविणे शक्य होईल.- अमोल झेंडे, उपायुक्त, गुन्हे शाखा, शहर पोलिस
अंधाराचा फायदा घेत दरोडेखोरांनी साधली संधी; पंजाब मेल एक्सप्रेसमध्ये चढले अन्…,प्रवाशांनी सांगितली आपबीती
ठळक आकडे

१६
यापूर्वीची दामिनी पथके
२४
नव्याने स्थापन केलेली दामिनी पथके
२४००
जानेवारी ते जून २०२३ या कालावधीत दामिनी पथकाला मदतीसाठी प्राप्त झालेले कॉल