‘एनडीएमध्ये शैक्षणिक व संशोधन क्षेत्रात मी अत्यंत भरीव काम केले. त्यामुळे माझा खूप मानसन्मान झाला. राष्ट्रीय स्तरावरील प्रकाशनांनी माझी दोन पुस्तके प्रसिद्ध केली असून, १२ पुस्तकांसाठी मी सहलेखक आहे. मी उच्चविद्याभूषित असून, एम.फिल. व पीएचडीच्या विद्यार्थ्यांसाठी नोंदणीकृत गाइड सुद्धा आहे. या साऱ्यामुळे ‘एनडीए’चे प्राचार्य ओ.पी. शुक्ला, उपप्राचार्य विनयदीप सिंग यांच्यासह अनेक अधिकाऱ्यांच्या मनात माझ्याविषयी मत्सर आहे. त्याशिवाय मी जागल्याची भूमिका बजावत प्राचार्य व अन्य व्यक्तींकडून सुरू असलेल्या भ्रष्टाचाराची तक्रार केल्याने त्यांची चौकशी सुरू झाली. म्हणूनच त्या सर्वांनी डाव रचून मला खोट्या प्रकरणात अडकवले,’ असे तिवारी यांचे म्हणणे आहे.

सन १९९७ सालापासून एनडीएमध्ये असलेले डॉ. तिवारी हे सध्या वरिष्ठ प्राध्यापक आहेत. सन२००६पर्यंत हंगामी व्याख्याता म्हणून काम केल्यानंतर त्यांची ‘यूपीएससी’मार्फत राजपत्रित अधिकारी श्रेणी-१मध्ये नियमित पदावर निवड झाली. तेव्हापासून ते सहाय्यक प्राध्यापक होते.
पंतप्रधानांबाबत अपशब्द देशद्रोह नाही; जाणून घ्या कर्नाटक हायकोर्टाने खटला फेटाळताना काय म्हटले
कागदपत्रांची पडताळणी न करताच आरोपत्र

‘२००८मध्ये अपघातात जखमी झाल्याने मला ४१ टक्के अपंगत्व आले. त्याबाबत ससून रुग्णालयाच्या वैद्यकीय मंडळाकडून रीतसर प्रमाणपत्र मिळवले होते. प्राध्यापकपदावरील भरतीसाठी मी त्या प्रमाणपत्राचा उपयोग केला होता. मात्र, शुक्ला, सिंग आदींनी बनावट व फेरफार असलेल्या झेरॉक्स प्रतीच्या आधारे खडकवासला पोलिसांत ‘एफआयआर’ नोंदवला. मात्र, पोलिसांनी माझ्याकडील व ससून रुग्णालयातील मूळ कागदपत्रांच्या आधारे पडताळणीच केली नाही. ससून रुग्णालयानेही नंतर मूळ कागदपत्रांची पडताळणी करून माझे प्रमाणपत्र खरे असल्याचे कळवले होते. त्याचीही दखल न घेता तपास अधिकाऱ्याने माझ्याविरोधात आरोपपत्र दाखल केले’, असेही त्यांनी याचिकेत म्हटले आहे.