चार वर्षाच्या चिमुकला शिव याच्या चिमुकल्या हाताने पित्याला मुखाग्नी देण्यात आला. राहुल माळी यांना शेवटचा निरोप देण्यासाठी जिल्हाभरातून जनसमुदाय उसळला होता. हवेत बंदुकीच्या फैरी झाडत शासकीय इतमामात माळी यांच्यावर अंत्यसंस्कार करण्यात आले. प्रचंड संख्येने जमलेल्या नागरिकांनी साश्रू नयनांनी जवान राहुल माळी यांना शेवटचा निरोप दिला. भारत माता की जय… अमर रहे अमर रहे जवान राहुल माळी अमर रहे. अशा घोषणा यावेळी देण्यात आल्या. राहुल माळी यांच्या पश्चात पत्नी ज्योती, शिव (४) आणि शंभु (दीड वर्ष) अशी लहान चिमुकले मुले, तसेच वडील, आईसह दोन मोठे भाऊ वहिनी, पुतणे असा परिवार आहे.