खरंतर, कल्याण, डोंबिवली आणि ग्रामीण परिसरातमध्ये बुधवार सकाळपासून पावसाची संततधार सुरू आहे. दुपारनंतर पावसाचा जोर वाढला आणि यामुळे अनेक भागांत पाऊस झाल्याने शहरांत अनेक ठिकाणी पावसाचे पाणी साचले आहे. मोठे नाले आणि गटारे यांची पूर्णत: साफसफाई न झाल्याने काही भागात चाळीत पाणी शिरले आहे. दरम्यान, मानपाडा पोलीस स्टेशनही सुटलेले नाही.
डोंबिवलीमधील मानपाडा पोलीस स्टेशनमध्ये मोठ्या प्रमाणात पाणी साचले. तसेच कल्याण पूर्व, कल्याण ग्रामीण, डोंबिवली पूर्व, पश्चिम सर्वच ठिकाणी पाणी साचलेले होते. त्यामुळे डोंबिवली का तुंबवली? असा सवाल आता नागरिक करू लागले आहेत. त्यामुळे केडीएमसी आयुक्त संबंधित अधिकारी आणि ठेकेदार यांच्यावर कारवाई करणार का हे पहावे लागेल.
डोंबिवली स्टेशनं बाहेर पाणीच पाणी..
डोंबिवली पूर्व रेल्वे स्थानक बाहेरील भागातील नेहरू रस्ता, चिमणी गल्ली, पाटकर रस्ता, डॉ. रॉथ रस्ता या ठिकाणी मोठ्या प्रमाणात पाणी साचले होते. सकाळपासून या भागातील अनेक दुकानांमध्ये पावसाचे पाणी शिरले होते. पादचाऱ्यांना पाण्यातून वाट काढत रेल्वे स्थानकात जावे लागले. तसेच डोंबिवली पूर्व आणि पश्चिममध्ये अनेक ठिकाणी पाणी साचले होते.
Ambenali Ghat : कोकण आणि पश्चिम महाराष्ट्राला जोडणारा महत्त्वाचा घाट बंद, दरड कोसळल्याने या मार्गाने वाहतूक वळवली…कल्याण पूर्वेत आणि ग्रामीण भागात साचले पाणी…
नेतीवली, द्वारली, पिसवली, आडीवली, ढोकळी या गावामध्ये आणि परिसरात मोठ्या प्रमाणात पाणी साचले होते. द्वारली गावातील घरामध्ये पाणी घुसले होते. त्याचप्रमाणे कल्याण – मलंगगड रोडवरसुद्धा पाणी साचले होते. यामुळे रस्त्यावर ट्रॅफिक जाम झाले होते. नाले सफाई न झाल्याने आणि अनधिकृत बांधकाम यामुळे पाणी साचत आहे, अशी माहिती स्थानिकांकडून देण्यात आली आहे.
डोंबिवली – बदलापूर पाईपलाईन महामार्गवर साचले पाणी, वाहतुकीला अडथळा…
डोंबिवली, कल्याण, अंबरनाथ, बदलापूर आणि ग्रामीण परिसरात दुपारपासून पाऊस पडत आहेत.पावसाचा जोर फार मोठा नसला तरी डोंबिवली – बदलापूर पाईपलाईन महामार्गवर मंगळवारी पाणी साचले.नेवाळी नाका परिसरात नाले सफाई न झाल्याने तसेच रस्त्याच्या बाजूला दुकानदारांनी अतिक्रमण करत नाल्याचे प्रवाह अडविले आहेत. यामुळे या परिसरात मोठ्या प्रमाणात पाणी साचू लागले आहे. डोंबिवली दिशेला जाणाऱ्या मार्गिकेवर पाणीच पाणी झाले असून यामुळे वाहतुकीला देखील अडथळा निर्माण झाला आहे.तर नेवाळी नाका परिसरात यामुळे ट्राफिक जाम झाले होते.
Maharashtra Monsoon : राज्यावर पावसाचं सावट, आज मुंबईला येलो तर या जिल्ह्यांना ऑरेंज अलर्ट
डोंबिवलीमधील मोठगांव खाडीच्या पाण्यात मोठ्या प्रमाणात वाढ…
डोंबिवली, कल्याण आणि ग्रामीण परिसरात सकाळ पासून पाऊस सुरु आहे.दुपाऱी पावसाने जोरदार बॅटिंग केली.त्यामुळे नदी, नाले वाहू लागले.अनेक ठिकाणी पाणी साचले.तर डोंबिवली मधील खाडीच्या पाण्यात मोठ्या प्रमाणात वाढ झाली, असाच जर पाऊस पडला तर खाडी लगत असलेल्या घराना याचा फटका पडू शकतो.. दरम्यान डोंबिवली मधील मोठगांव खाडीचे आणि खाडीच्या पात्राचे दृश्य या व्हिडिओ मधून दिसेल..