Sambhaji Bhide: १५ ऑगस्ट खरा स्वातंत्र्यदिन नाही, संभाजी भिडेंच्या ‘त्या’ वक्तव्यावर देवेंद्र फडणवीस म्हणाले..मुख्यमंत्र्यांना पाहून कार्यकर्त्यांनी एकच घोषणाबाजी केली. मुख्यमंत्री आपल्या विनंतीला मान देऊन रात्री दीड वाजता आल्याचे पाहून कार्यकर्त्यांनी एकच घोषणाबाजी केली. यावेळी मोठ्या संख्येने कार्यकर्ते उपस्थित होते. शिवसेना जिल्हा नियोजन समिती सदस्य अलंकार कांचन, शिवसेना पुणे जिल्हा संघटक निलेश काळभोर यांच्या हस्ते मुख्यमंत्री एकनाथ शिंदे यांचा सत्कार करण्यात आला. यावेळी कदमवाकवस्ती माजी उपसरपंच बाबासाहेब काळभोर, प्रतीक काळभोर, चेतन काळभोर, कपील काळभोर, केतन साठे, विपुल गिरीमकर, सागर फडतरे आणि ग्रामस्थ कार्यकर्ते पदाधिकारी मोठ्या प्रमाणात उपस्थित होते.
यावेळी मुख्यमंत्र्यांनी कार्यकर्त्यांजवळ रात्री दीड वाजता चर्चा केली. शिंदे यांनी कार्यकर्त्यांना येणाऱ्या सर्व निवडणुकांच्या तयारीला लागा, सज्ज राहा अशा सूचना यावेळी त्यांनी दिल्या. मुख्यमंत्र्यांच्या या अचानक भेटीने कार्यकर्त्यांमध्ये मोठा उत्साह संचारला आहे. मुख्यमंत्री एकनाथ शिंदे यांनी स्वतंत्र शिवसेना केल्यानंतर अनेकजण मुख्यमंत्र्यांच्या संपर्कात असल्याचे बोलले जात आहे. याशिवाय एकनाथ शिंदे हे छोट्या मोठ्या कार्यकर्त्यांना भेटून त्यांचा उत्साह वाढवण्याचे काम करताना पहायला मिळत आहे. एकनाथ शिंदे यांनी दिलेली ही भेट येणाऱ्या निवडणुकीत नक्कीच उत्साह वाढवणारी असल्याचे स्थानिक कार्यकर्त्यांनी यावेळी सांगितले आहे.