डोंबिवली : वाढदिवसाचे सेलिब्रेशन करताना दहशत पसरण्यासाठी आणि मोठेपणा मिरवण्यासाठी तलवार, चाकूने केक कापण्याचे फॅड तरूण वर्गात वाढताना दिसत आहे. असाच प्रकार कल्याण जवळील नेतवली टेकडी परिसरात काही तरुणांनी भर रस्त्यात केला आणि तलवारीने केक कापत वाढदिवस साजरा केला आहे. रविवारी रात्रीच्या सुमारास हा प्रकार घडला असून तलवारीने केक कापण्याचा व्हिडिओ सोशल मीडियावर व्हायरल होताच डोंबिवली टिळक नगर पोलिसांनी इरफान जमादार या तरुणाला अटक केली आहे.कल्याण पत्री पूल परिसरात राहणाऱ्या इरफान जमादार याचा रविवारी वाढदिवस होता. या निमित्ताने रात्रीच्या सुमारास इरफानच्या मित्रांनी भर रस्त्यात बर्थडे सेलिब्रेशन केलं. यावेळी इरफानने तलवारीने केक कापला. दरम्यान, या सेलिब्रेशनचा व्हिडिओ त्यांच्याच सोबतच्या काही तरुणांनी मोबाईलमध्ये शूट केला आणि तो व्हायरल झाला. यानंतर पोलिसांनी या व्हिडीओची दखल घेत शोधाशोध सुरू केली. अखेर डोंबिवली टिळकनगर पोलिसांनी इरफानला अटक केली आहे.
स्टेटसवर म्हणाला ‘खूप केलं माणसांसाठी आता बस्स’, मित्र घराकडे धावेपर्यंत तरूणाने सगळं संपवलं…याबाबत टिळकनगर पोलीस स्टेशन वरिष्ठ पोलीस निरीक्षक यांनी सांगितले की सोशल मीडियावर एक इसम रस्त्यावर ४-५ मित्रांना घेऊन स्वतःचा वाढदिवस साजरा करताना हातात तलवार घेऊन केक कापत असल्याचा व्हिडिओ प्रसारीत झाला. गोपनीय कक्षाने माहिती घेतली असता त्या इसमाची ओळख पटली असून तो पत्रीपूल परिसरात या ठिकाणचा रहिवासी असल्याचे समजले. त्याचे नाव इरफानजामदार वय वर्षे २० असून गुन्हा केल्याची त्याने कबुली दिली आहे.
अवैध हत्यारांच्या जमाबंदीचा आणि शस्त्र बाळगण्याबाबत मनाई आदेश असताना देखील त्याचे त्याने उल्लंघन केलेले आहे. सदर परिसरात दहशत निर्माण करण्याचा त्याने प्रयत्न केला आहे, त्यामुळे त्याच्यावर गुन्हा दाखल करत अटक केली आहे.
फेसबुक लाईव्हमध्येच सॉफ्टवेअर इंजिनिअर महिलेचा गळफास, शेवटच्या क्षणाला सांगितलं भयंकर सत्य
