मुख्यमंत्री एकनाथ शिंदे अचानक दरे गावात पोहोचले; अधिकाऱ्यांची तारांबळ, राजकीय तर्कवितर्कशिंदी ते मोरणीला जोडणाऱ्या नदीवरील लोखंडी पूल गेल्या दहा वर्षांपूर्वी पडला. या पुलाची दुरुस्ती न झाल्याने ही गावे अनेक समस्यांना तोंड देत आहेत. प्रशासनाने या गावातील लोकांसाठी बोट दिली होती. परंतु गेली कित्येक वर्ष नागरिक या पुलासाठी आक्रोश करत आहे. पण यांचा आवाज अजूनही मुख्यमंत्र्यांच्या कानी पडलेला नाही.
उदयनराजे भोसले यांच्यासह ५० जणांविरोधात गुन्हा दाखल, बाजार समितीच्या सभापतींची तक्रारकाल ग्रामस्थांनी चक्क स्वतः स्वखर्चाने हा पूल बांधण्याचा निर्णय घेतला. सर्वजण एकवटले आणि कामाला सुरुवात झाली. पण अचानक हा पूल पडला आणि ग्रामस्थ या पुलाखाली सापडले. या अपघातात रामचंद्र नाना शिंदे, आणाजी बर्गे आणि विनोद जयसिंग मोरे हे गंभीर जखमी झाले. ग्रामस्थांनी त्यांना लागलीच उपचारासाठी खेड येथे नेले. परंतु पुढील उपचारासाठी त्यांना मुंबईला कळवा येथील हॉस्पिटलमध्ये दाखल करण्यात आले. त्यांच्यावर उपचार सुरू आहेत.
आम्ही आमच्या जमिनी कोयनेसाठी दिल्या. आम्हाला मात्र आता अनेक यातना सहन कराव्या लागत आहेत. शासन मात्र आमच्याकडे पूर्णपणे दुर्लक्ष करत आहे. आमच्या सुविधा आम्हालाच कराव्या लागत आहेत. मग अशा अपघातांना जबाबदार कोण? या अपघातातील जखमींना तातडीने नुकसान भरपाई मिळावी, अशी मागणी ग्रामस्थ भूषण मोरे यांनी केली.