चंद्रपूर: महाराष्ट्रातील राजकारणतील मोठं नाव म्हणजे देवेंद्र फडणवीस. तसे तर राज्याचे उपमुख्यमंत्री देवेंद्र फडणवीस हे कधी मुंबईला तर कधी नागपुरात असतात. पण, आमच्या चंद्रपुरातही हुबेहूब फडणवीसांसारखा दिसणारी व्यक्ती राहते. फरक एवढाच की ही व्यक्ती फक्त आठ वर्षांची आहे. खोटं वाटतं असेल तर हे आधार कार्ड बघा. या मुलाची जिल्ह्यात भारी चर्चा सुरु आहे. चर्चेचे कारण ठरले त्या मुलाचे आधार कार्ड. या मुलाच्या आधार कार्डवर मुलाच्या फोटो ऐवजी उपमुख्यमंत्री देवेंद्र फडणवीस यांचा फोटो छापला गेला आहे.
विशेष म्हणजे याच आधार कार्डवर त्या मुलाचे शासकीय कामं उरकत आहेत. प्रशासनाने केलेला हा घोळ निस्तारण्यासाठी मुलाची आई सेतूमध्ये येरझऱ्या मारीत आहे. मात्र, अद्यापही फोटो जैसे थे आहे. जिगल जीवन सावसाकडे असे आधारकार्ड धारक मुलाचे नाव आहे. तो सिंदेवाही तालुक्यातील विरव्हा गावात असतो. शासनाने प्रत्येकाला आधार कार्ड सक्तीचे केलं आहे. त्यामुळे प्रत्येकाकडे आधार कार्ड असतेच. मात्र, चिमूर तालुक्यातील आधार कार्ड केंद्रचालकाने केलेला घोळ सावसाकडे कुटूंबासाठी चांगलाच मनस्तापाचा ठरला आहे.
कालपर्यंत काहीच नव्हतं, आज अचानक १६ व्या शतकातील खजिना पाण्याबाहेर, पाहण्यासाठी गर्दी
झाले असे, सिंदेवाही तालुक्यातील विरव्हा येथील जिगल जीवन सावसाकडे या आठ वर्षांचा मुलाचा आईने २०१६ मध्ये चिमूर तालुक्यातील शंकरपूर येथील शिबिरात आधार कार्ड काढला. मात्र, आधार कार्डवर त्या मुलाच्या फोटो ऐवजी चक्क उपमुख्यमंत्री देवेंद्र फडणवीस यांचा फोटो छापून आला. मागील सात वर्षांपासून हा आधार कार्ड मुलाकडे आहे.
शासकीय कामासाठी याच आधारकार्डचा सध्या वापर केला जात आहे. आधार कार्डवर फडणवीसाचा फोटो असल्याने हा मुलगा चर्चेत आला आहे. या मुलाच्या जन्मानतर एका वर्षात आधार कार्ड काढण्यात आला. त्यामुळे लहान मुलाचा फोटो आधार कार्डवर छापन्याऐवजी ऑपरेटरने थेट फडणवीस यांच्याच फोटो चिपकवला. आता आधारकार्ड अपडेट करण्यासाठी आईची धावपळ सुरु आहे.
Mumbai Weather Forecast: पुढचा आठवडा अत्यंत महत्त्वाचा, धो-धो बरसणार, मान्सूनबाबत मोठी अपडेट