प्रकाश आंबेडकर तिकडे का गेले तेच सांगू शकतील, अजित पवार नेमकं काय म्हणाले?मिळालेल्या माहितीनुसार, जुळ्या बहीण आलिया फिरोज खान (६), आफरीन फिरोज खान (६) आणि भाऊ तौफिक (४) अशी बेपत्ता भावंडांची नावे आहेत. फिरोज खान भुग्गा खान (२८) हा फारुख नगर येथील साकीर अन्सारी यांच्या घरी भाड्याने राहतो. मैदानात खेळायला गेले. १७ मे रोजी दुपारी १२ वाजण्याच्या सुमारास त्यांचे तिन्ही मुलं जवळच असलेल्या खानाटेनगर येथील पिवळी शाळेच्या मैदानात खेळण्यासाठी गेले होते. मात्र सायंकाळ होऊनही ते घरी परतले नाही. त्यामुळे आजूबाजूचा परिसर आणि ओळखीच्या व्यक्तींनी शोध घेतल्यानंतरही ते कुठेही सापडले नाही.
सगळीकडे शोधाशोध केल्यावर ही मुले कुठेही मिळाले नसल्याने रात्री पोलीस ठाण्यात तक्रार दाखल करण्यात आली. पोलीस सध्या अपहरण झालेल्या मुलांचा शोध घेत आहेत. नुकतीच इतवारी रेल्वे स्थानकातून अपहरण झालेल्या मुलीची दीड तासांत रेल्वे पोलिसांनी सुटका केली. मिळालेल्या माहितीनुसार, पश्चिम बंगालमधील एक गृहस्थ इतवारी रेल्वे स्थानकावर आपल्या तीन वर्षांच्या मुलीसह तिकीट काउंटरवर उभे होते. वडील तिकीट काढण्यात व्यस्त असताना मुलगी बाजूला खेळत होती. वडील लक्ष देत नसल्याचे पाहून आरोपीने मुलीला दमदाटी करून इतवारी रेल्वे स्थानकातून पळ काढला.बाळासाहेब आंबेडकरांनी आतापर्यंत कधीच धर्मरचित राजकारण केलं नाही, असं का म्हणाले गुणरत्न सदावर्ते?
शामकुमार ध्रुव पुनीतराम (३०) असे आरोपीचे नाव आहे. तर मुलीच्या वडिलांचे नाव राजू दिलीप छत्रपाल आहे. तो नागपूर रेल्वे स्थानकातून पळून जाण्याचा प्रयत्न करत होता. मुलगी बेपत्ता असल्याचे वडिलांना समजताच त्यांनी रेल्वे पोलिसांशी संपर्क साधला. घटनेचे गांभीर्य पाहून इतवारी रेल्वे पोलिसांनी तातडीने तपास सुरू केला. सीसीटीव्ही फुटेजमध्ये आरोपी मुख्य रेल्वे स्थानकाकडे चालताना दिसत आहे. इतवारी रेल्वे पोलिसांनी अपहरण झालेल्या मुलीचे आणि आरोपींचे फोटो काढून ते प्रसारित केले.