पुणे : पुणे शहरात गुन्हेगारांचा सुळसुळाट वाढला आहे. गुन्हा करताना गुन्हेगारांना पोलिसांचा अजिबात धाक राहिलेला नाही असं दिसत आहे. याचदरम्यान, पुण्यातल्या वारजे परिसरात दिवसाढवळ्या दहशत मजवण्यासाठी विरोधी टोळीवर गोळीबार केल्याचा धक्कादायक प्रकार घडला आहे. यामध्ये एक मुलाच्या पायाला गोळी चाटून गेल्याने तो जखमी झाला आहे.
या प्रकरणात सुदैवाने कोणतीही जीवितहानी झालेली नाही. हा प्रकार पुण्याील वारजे परिसरातल्या रामनगर टाकी चौक येथे घडला आहे. दुपारच्या साडे चार वाजेच्या सुमारास ही घटना घडली आहे. त्यामुळे परिसरात भीतीचं वातावरण पसरलं आहे. सुरज तात्याबा लंगार (वय २१, रा. वारजे माळवाडी) असं जखमी झालेल्याचं नाव आहे.
या प्रकरणात सुदैवाने कोणतीही जीवितहानी झालेली नाही. हा प्रकार पुण्याील वारजे परिसरातल्या रामनगर टाकी चौक येथे घडला आहे. दुपारच्या साडे चार वाजेच्या सुमारास ही घटना घडली आहे. त्यामुळे परिसरात भीतीचं वातावरण पसरलं आहे. सुरज तात्याबा लंगार (वय २१, रा. वारजे माळवाडी) असं जखमी झालेल्याचं नाव आहे.
‘आमचं ठरलंय’ हा इतिहास झाला; मंडलिक कमळाच्या चिन्हावर लढणार असल्याची चर्चा, सतेज पाटलांचा रोखठोक पवित्रा
या घटनेबाबत मिळालेल्या माहितीनुसार, हा गोळीबार पूर्ववैमनस्यातून झाल्याचं सांगण्यात येत आहे. वारजे परिसरातल्या रामनगर टाकी चौक येथे पाच मुलांची टोळी आपापसात गप्पा मारत होती. त्या ठिकाणी गाडीवर आलेल्या दोन अज्ञात व्यक्तींनी दहशत निर्माण करण्यासाठी त्यांच्या दिशेने गोळीचे ५ राऊंड फायर केले. गोळ्या झाडत असताना एका मुलाच्या पायाला एक गोळी चाटून गेली.
या घटनेत कोणतीही जीवितहानी झाली नसून जखमीला उपचारासाठी दवाखान्यात दाखल करण्यात आलं आहे. घटना घडल्यानंतर वरिष्ठ पोलिसांनी घटनास्थळी धाव घेत परिसरात पाहणी केली. पूर्ववैमनस्याच्या वादातून हा प्रकार घडल्याचा अंदाज पोलिसांकडून वर्तवला जात आहे. पोलीस आरोपींचा शोध घेत आहे. अद्याप कोणताही आरोपी हाती लागला नाही. या प्रकरणी पुढील तपास वारजे माळवाडी पोलीस करत आहेत.
Prakash Ambedkar: प्रकाश आंबेडकरांची खुलताबादमध्ये औरंगजेबाच्या कबरीला भेट, चर्चांना उधाण