मूळ रहिवासी अकोला जिल्ह्यातील अकोट शहरातील असलेले बालरोगतज्ज्ञ संदीप कासट आणि दंत रोगतज्ञ रुपाली कासट यांचा अर्पण हा मुलगा. त्याची बहीण अर्पिता हिच एमबीबीएसचं शिक्षण सुरू आहे. अर्पणने अकोटमधीलच बाबु जगजिवनराम विद्यालयातून बारावीचं शिक्षण घेतलं. आता त्याला वैद्यकीय क्षेत्रात भरारी घ्यायची आहे. कोटा इथे शिकवणी क्लासेस करून त्याने निटची परीक्षा दिली आहे. तसेच इतरही परीक्षा अर्पणने दिल्या आहेत. जेईईच्या मुख्य परिक्षेत त्याला ९९.७८ इतके टक्के गुण मिळाले.

अर्पणने CET ची सुध्दा परीक्षा दिली. या परीक्षेत आता अर्पण राज्यातून प्रथम आला आहे. निकाल जाहीर होताच आई-वडीलांनी अर्पणला पेढे भरवून त्याचे तोंड गोड केलं. या निकालामूळे आज कासट कुटुंबियांचा आनंद गगनात मावेनासा झाला आहे. त्याच्या या यशामुळे शैक्षणिक क्षेत्रात अकोटचा नावलौकिक वाढला आहे. वैद्यकीय क्षेत्रात MBBS करून गोरगरिबांची आरोग्य सेवा करायची आहे, म्हणून निट परिक्षेसाठी कोटा इथे शिकवणी क्लास लावले.

आता MHCET ही परीक्षा महाराष्ट्रात शिक्षण क्षेत्रात महत्त्वाची समजली जाते. यासाठी अर्ज भरायच्या अखेरच्या दिवशी म्हणजेच एक तास आधी ठरवले, अन् लेट’फी देत CET परिक्षेला अर्ज दाखल केला. याकरीता दररोज दुपारी, सायंकाळी चार तास अभ्यास करत होतो. क्लास नसताना दहा तास अभ्यास करत होतो. याशिवाय MHCET पीसीबी ग्रुपची परिक्षा द्यायचं ठरवलं. अन् निटसोबतच सीईटी अभ्यासावर लक्ष केंद्रित केले. ९९ गुण मिळतील अशी अपेक्षा होती. पंरतु राज्यात प्रथम येणार याची कधीच अपेक्षा नव्हती. आज या यशाचे श्रेय आईवडील व शिक्षकच आहे, असा अर्पण म्हणाला.