मला शिवसेनेतून काढण्यासाठी उद्धव ठाकरे नेहमी ‘ती’ धमकी द्यायचे, नारायण राणेंचा गौप्यस्फोटगुणरत्न सदावर्ते हे वादग्रस्त वक्तव्यांसाठी नेहमीच ओळखले जातात. दरम्यान त्यांनी आता पुन्हा एक वादग्रस्त वक्तव्य केले आहे. आताचे वक्तव्य हे नथुराम गोडसे याच्यावर केले आहे. तसेच यावेळी गोडसेचा आदारार्थी उल्लेख केल्याचे पहायला मिळाले. त्यांनी गोडसेला न्याय न मिळाल्याचे म्हटले आहे. त्यांच्या या वक्तव्यामुळे राजकारणातून अनेक प्रतिक्रिया उमटत आहेत. तसेच डॉ. बाबासाहेब आंबेडकर यांच्या फोटोखाली नथुराम गोडसेचा फोटो लावला होता. यावर आता वाद निर्माण होण्याचे चित्र दिसत आहे. त्यानंतर राज्यातून शरद पवारांच्या विचारांचा व्हायरस निर्जंतुकीकरण करणार असल्याचे सदावर्ते यांनी म्हटले आहे. पत्रकार परिषदेत छत्रपती शिवाजी महाराज, बाबासाहेब आंबेडकर, स्वातंत्र्यवीर सावरकर यांच्या सोबतच नथुराम गोडसे याचाही फोटो लावण्यात आला होता.
नेमकं काय म्हणाले सदावर्ते?
यावेळी सदावर्ते म्हणाले की, मी गांधींच्या मतांशी सहमत नसून मी नथुराम गोडसेचा फोटो डॉ. बाबासाहेब आंबेडकर, शिवरायांसोबत लावला आहे. मी संविधानाचा अभ्यासक आहे. नथुराम गोडसेचा जो खटला चालला, त्यात नथुराम गोडसेना न्याय मिळाला नव्हता. मी संविधानामध्ये PhD केली आहे. मी अभ्यास केला तेव्हा माझ्या लक्षात आलं की, गोडसेच्या मानवाधिकाराचे उल्लंघन झाले आहे. नथुराम गोडसे याच्यावरील खटला हा मानवाधिकाराविरोधातील आहे. त्यामुळे नथुराम गोडसे इथून पुढे माझ्या चळवळीत असतील, असे सदावर्ते म्हणाले.