मिळालेल्या माहितीनुसार, शेतातल्या मशागती दरम्यान बंद पडलेल्या ट्रॅक्टरला सुरू करण्यासाठी ज्ञानेश्वर गणगणे ही स्कुटी पेप्ट या मोपेडने जात होता. त्यानंतर ते सामान घेऊन आले. या दरम्यान या मोपेडचा अचानक स्फोट झाला. भर उन्हात शेतात कोणीही नसताना हा अपघात घडला. त्यामुळे त्यांना मदत मिळण्यास उशीर झाला. काही नागरिकांना त्यांची ही अवस्था दिसतात अनेकांनी धाव घेतली. तसेच मिळेल त्या वस्तू झाडपाल्याचा उपयोग करून त्यांनी आग नियंत्रणात मिळवली.

दरम्यान या घटनेची तात्काळ माहिती परतवाडा पोलिसांना देण्यात आली. यावेळी परतवाडा पोलीस व रुग्णवाहिका काही क्षणात घटनास्थळी दाखल झाली. मात्र तोपर्यंत बराच उशीर होऊन गेला होता. मोपेडचा एवढा भयंकर पद्धतीने स्फोट झाला की तिच्या लोखंडाशिवाय कुठलाही अवयव उरला नाही. या घटनेत ज्ञानेश्वर गणगणे यांचा घटनास्थळी अंत झाला.