नागपूर: राज्यात हत्येच्या घटनांमध्ये मोठ्या प्रमाणात वाढ होत आहे. अतिसंवेदनशील समजल्या जाणाऱ्या नागपूर रेल्वे स्थानकावर रात्री उशिरा एका व्यक्तीने आपल्याच साथीदाराचा दगडाने ठेचून निर्घृण खून केल्याचे समोर आले आहे. ही घटना फलाट क्रमांक ५ वर पहाटे २.४० च्या सुमारास घडली. जितेंद्र उर्फ टोपी असे मृताचे नाव असून तो छत्तीसगडचा रहिवासी आहे. लोहमार्ग पोलिसांनी सीसीटीव्हीच्या मदतीने आरोपी दिनसागर उर्फ दिनेश धोंडिबा सदाफुले याला अटक केली.
…म्हणून सरस्वती वैद्यला प्राण गमवावे लागले, नीलम गोऱ्हेंनी मांडला महत्त्वाचा मुद्दा
…म्हणून सरस्वती वैद्यला प्राण गमवावे लागले, नीलम गोऱ्हेंनी मांडला महत्त्वाचा मुद्दागुरुवारी मध्यरात्री स्टेशन परिसरात गस्त घालणाऱ्या जीआरपी पोलिसांच्या पथकाला फलाट क्रमांकावर एक व्यक्ती रक्ताच्या थारोळ्यात पडलेली दिसला. तात्काळ रेल्वे रुग्णालयात नेले असता डॉक्टरांनी त्याला मृत घोषित केले. घटनेनंतर, सीसीटीव्ही कॅमेरे तपासले. त्यानंतर आरोपी घटना घडवून आणताना दिसला. जो प्लॅटफॉर्मच्या आवारातच सापडला आणि त्याला अटक करण्यात आली. मयत आणि आरोपी दोघेही एकमेकांच्या ओळखीचे असून कापूस मार्केटमध्ये हमालीचे काम करतात.
चौकशीत आरोपीने सांगितले की, रात्री १० वाजण्याच्या सुमारास दोघांनी एकत्र बसून दारू प्यायली. त्यादरम्यान मयत तरुणाने आरोपीला त्याच्या आई आणि बहिणीला शिवीगाळ केली. याचा राग आरोपीच्या मनात होता. या घटनेनंतर जितेंद्र इटारसी टोकाला जाऊन प्लॅटफॉर्म क्रमांक ५ वर झोपला, त्यानंतर रात्री २.४० च्या सुमारास आरोपीने २३ किलो वजनाचा दगड उचलला. त्यानंतर त्याच्या डोक्यावर तो दरड घातला. खून करून आरोपीने घटनास्थळावरून पळ काढला. याप्रकरणी पोलीस स्थानकात गुन्हा दाखल झाला असून आरोपीला अटक करण्यात आले आहे.