याबाबतची सविस्तर माहिती अशी की, अंबाजोगाई तालुक्यातून जाणाऱ्या सनई-आडस मार्गावर दोन डॉक्टर आपल्या कारमधून कामानिमित्त जात होते. मात्र अचानक चालकाचे कारवरील नियंत्रण सुटले आणि त्यांची कार ही रस्त्याच्या कडेला असलेल्या झाडावर जाऊन आदळली. या अपघातात डॉक्टर प्रमोद बुरांडे आणि सहकारी डॉक्टर रवी सातपुते या दोघांनाही गंभीर जखम झाली होती. अपघात झाल्याचं कळताच स्थानिक नागरिकांनी घटनास्थळी दाखल होत जखमी दोघांना रुग्णालयात दाखल केले. मात्र तेथील डॉक्टरांनी तपासून प्रमोद बुरांडे यांना मृत घोषित केले, तर रवी सातपुते यांनीही उपचारादरम्यान प्राण सोडले.
कोल्हापुरातल्या राड्या प्रकरणी ३५० हून अधिक जणांवर FIR, बंदची हाक देणाऱ्या एकाही व्यक्तीच्या विरोधात गुन्हा दाखल नाही
दरम्यान, दोन्ही डॉक्टरांनी सीट बेल्ट लावला नसल्याचं तसंच कारचा वेगही अधिक असल्याची माहिती स्थानिक नागरिकांकडून देण्यात आली आहे. चालकाचे गाडीवरील नियंत्रण सुटल्याने हा अपघात झाला असल्याचा अंदाज आहे. मात्र या अपघातात दोन हरहुन्नरी डॉक्टरांचा मृत्यू झाल्याने परिसरात हळहळ व्यक्त केली जात आहे.