कल्याण पश्चिमेकडील वाणी विद्यालयात शिकणाऱ्या आकांक्षा (नाव बदलले आहे) या विद्यार्थिनीला गणित विषय कठीण वाटत होता. दहावीच्या परीक्षेत गणितासारख्या अवघड विषयाचा पेपर सोपा जावा यासाठी उत्तरपत्रिकेत तिने सुरुवातीस आपल्या दैवताला नमन केले होते. मात्र, उत्तरपत्रिकेत अशाप्रकारे आपली ओळख दाखविणारी कोणत्याही प्रकारची खूण करणे हा गुन्हा असून, त्याला कॉपी मानून संबधित विद्यार्थ्यावर तशी कारवाई केली जाते. विद्यार्थ्यानी उत्तरपत्रिकेत केवळ आपल्याला दिलेला बारकोड लिहायचा असतो. मात्र, दैवताचे नाव लिहिण्याची चूक केल्याने आकांक्षाला हा फटका बसला. ज्या शाळेतून तिने परीक्षा दिली त्या शाळेच्या पर्यवेक्षकांसह मुख्याध्यापकांना बोर्डाकडून चौकशीची नोटीस धाडण्यात आली होती.
शेअर्स घोटाळ्यात ‘ग्लॅमर’; मुंबईनंतर आता पूजा भोईरचा नाशिकमधील कारनामा समोर, काय आहे प्रकरण?यानंतर चौकशीदरम्यान आकांक्षाकडे याबाबत विचारणा करण्यात आली. परंतु, गणिताच्या भीतीपोटी मी तसे केल्याचे तिने सांगितले. त्यामुळे तिचा पेपर न तपासता तिला या विषयात नापास करण्यात आले. परंतु, कॉपी न करताही ही शिक्षा मिळाल्याचे आकांक्षा व तिच्या पालकांनी म्हटले आहे.