चंद्रपूर: संशयाचे भूत डोक्यात शिरलं की काय होतं याचा प्रत्यय चंद्रपुरात आलाय. पत्नीच्या चारित्र्यावर संशय घेतलेल्या पतीने कुऱ्हाडीने वार करून पत्नीची हत्या केल्याची धक्कादायक घटना घडली आहे. रक्ताच्या थारोळ्यात पडलेल्या पत्नीला बघूनही त्याच्या राग शांत झाला नाही. त्याने आपल्या दोन मुलींवरही हल्ला केला. यात त्या दोन्ही मुली गंभीररित्या जखमी झाल्या आहेत. ही थरारक घटना चंद्रपूर जिल्हातील पोंभुर्णा तालुक्यात घडली आहे. आशा मनोज लेनगुरे असे मृतक महिलेचे नाव आहे. अंजली लेनगुरे, पूनम लेनगुरे या दोन मुली जखमी झाल्या आहेत. जखमींना जिल्हा रुग्णालयात उपचारासाठी हलविण्यात आले आहेत. या घटनेने जिल्ह्यात एकच खळबळ उडाली आहे.
पत्नीच्या चारित्र्यावर संशय, घरात रोज भांडणं
पत्नीच्या चारित्र्यावर संशय, घरात रोज भांडणं
चंद्रपूर जिल्ह्यातील पोंभुर्णा तालुक्यातील उमरी पोलीस स्टेशन हद्दीत येणाऱ्या डोंगर हळदी गावातील मनोज लेनगुरे हा पत्नी आणि दोन मुलींसोबत राहत होता. मात्र, मनोजच्या मनात आपल्या पत्नीच्या चारित्र्याबद्दल दिवसेंदिवस संशय वाढू लागला. या संशयातून घरात रोज भांडण व्हायची. संशयाने मनोजच्या डोक्यात घर केलं होतं. या संशयाला पूर्णविराम देण्यासाठी आरोपी मनोजने भरदिवसा पत्नीवर कुऱ्हाडीने वार केले. या घटनेच पत्नी गंभीर जखमी झाली.
पत्नीवर कुऱ्हाडीने वार, मुलींनाही सोडलं नाही
कुऱ्हाडीने वार केल्यानंतर पत्नी रक्ताचा थारोड्यात पडली होती. हे सारं बघून घाबरलेल्या मुली तिला वाचवायला धावल्या. पण, पत्नीवर वार केल्यानंतरही मनोजचा राग शांत झालेला नव्हता. त्याने मदतीसाठी धावलेल्या दोन मुलींवर हल्ला केला. ज्यामध्ये त्या गंभीररित्या जखमी झाल्या.
आशा मनोज लेनगुरे असे मृतक महिलेचे नाव आहे. तर पूनम आणि अंजली या दोन मुली गंभीर जखमी झाल्या आहेत. त्यांना उपचारासाठी चंद्रपूरच्या शासकीय रुग्णालयात दाखल करण्यात आले आहे. आरोपी मनोज लेनगुरे याला पोलिसांनी ताब्यात घेतले असून पुढील कारवाई सुरू आहे.
Odisha Train Accident: कोरोमंडलचा एक डबा झुडपात जाऊन उलटला, तो तिथेच अडकून पडला, ४८ तासांनी अखेर…