प्रतिक आणि सोनाली (नावे बदलली आहेत) यांचे १९९४मध्ये लग्न झाले होते. त्यांना दोन मुली आहेत. मात्र, कौटुंबिक वाद आणि पत्नीकडून पतीच्या चारित्र्यावर घेतला जाणारा संशय, यामुळे त्यांनी घटस्फोट घेऊन वेगळे होण्याचा निर्णय घेतला होता. त्यासाठी पतीने स्वकमाईतून घेतलेले त्यांचे दुकान विकले. त्यातून २७ लाख रुपये मिळाले. त्यापैकी सहा लाख रुपये दोन मुलींच्या नावावर बँकेत जमा केले. उर्वरित २१ रुपये पत्नीच्या खात्यात भरले. त्यानंतर २०१३मध्ये त्यांनी परस्पर सहमतीने घटस्फोटासाठी अर्ज दाखल केला. नियमानुसार घटस्फोटासाठी अर्ज केल्यानंतर सहा महिने थांबावे लागते. मात्र, सहा महिने पूर्ण होण्यास अवघे काही दिवसच बाकी असताना, पत्नीने भूमिका बदलली. पतीने दबाव टाकून घटस्फोटासाठी संमती घेतल्याचा अर्ज तिने न्यायालयात दाखल केला.
त्यावर न्यायालयाने घटस्फोटाचा अर्ज रद्द न करता, पत्नीला तिची बाजू पुराव्यानिशी सिद्ध करण्यास सांगितले. मात्र, पत्नीला बाजू मांडता आली नाही. पतीच्या वतीने ॲड. लीना शहा यांनी घटस्फोटाला सहमती दर्शविताना पत्नीने रक्कम घेतल्याचे न्यायालयात दाखवून दिले. त्यामुळे न्यायालयाने दावा निकाली काढला.
परस्पर संमतीच्या घटस्फोटाच्या दाव्यात पत्नीने जास्त पैसे उकळण्यासाठी संमती काढून घेतली. मात्र, न्यायदेवतेने पतीच्या बाजूने निकाल देऊन न्याय दिला.- ॲड. लीना शहा