नंदुरबार: खासदार अमोल कोल्हे यांचे नाव सांगून पोलिसांना फसवण्याचा प्रकार समोर आला आहे. कोल्हे यांचा स्वीय सहाय्यक याने नंदुरबार पोलीस अधीक्षक पी.आर.पाटील यांना रात्री उशिरा कॉल करून सांगितलं की, नंदुरबार जिल्ह्यातील शहादा येथे खासदार अमोल कोल्हे यांच्या मतदारसंघातील प्रवाशांचा गाडीचा अपघात झाला आहे. या अपघातात ४ प्रवाशांचा मृत्यू झाला आहे, तर ७ ते ८ प्रवासी गंभीर जखमी आहेत. त्यासाठी पी.आर.पाटील यांनी पोलीस उपनिरीक्षक मोहिते यांना या अपघाताची संपूर्ण माहिती घेण्यास सांगितली. परंतु ही संपूर्ण माहिती खोटी असल्याचे सत्य समोर आलं आहे. खासदारांच्या मतदार संघातील असल्याने मदत मिळावी, असं सांगत खासदारांच्या स्वीय सहाय्यक यांना कॉल केला होता. या भामट्याचा खोटेपणा आणि नंदुरबार पोलिसांचा वेळ वाया घालवत अपघाताची खोटी बातमी देत वारंवार पैशांची मागणी करणाऱ्याचा नंदुरबार पोलिसांनी भांडाफोड केला आहे.
पोलिसांनी दिलेल्या माहितीनुसार, नंदुरबार जिल्ह्याचे पोलीस अधीक्षक पी.आर.पाटील यांना त्यांच्या मोबाईल क्रमांकावर अज्ञात मोबाईल नंबर वरुन काहीतरी काम असल्याचा रात्री ११ वाजता मेसेज आला. त्यांनी तात्काळ त्यांचे जनसंपर्क अधिकारी पोलीस उपनिरीक्षक हेमंत मोहीते यांना मदत करण्यास सांगितले. त्या अन्वये पी.एस.आय मोहिते यांनी तात्काळ नमुद मोबाईल क्रमांकावर कॉल केला असता, कॉलर याने त्याचे नाव प्रबोधचंद्र सावंत असे सांगून ते खासदार अमोल कोल्हे यांचे पीए असल्याचं सांगितलं. त्यांच्या मतदार संघातील लोकांच्या एका वाहनाचा शहादा येथे अपघात झाला, असे सांगून त्यांना तातडीने मदत करावी म्हणून सांगितले.
पोलिसांनी दिलेल्या माहितीनुसार, नंदुरबार जिल्ह्याचे पोलीस अधीक्षक पी.आर.पाटील यांना त्यांच्या मोबाईल क्रमांकावर अज्ञात मोबाईल नंबर वरुन काहीतरी काम असल्याचा रात्री ११ वाजता मेसेज आला. त्यांनी तात्काळ त्यांचे जनसंपर्क अधिकारी पोलीस उपनिरीक्षक हेमंत मोहीते यांना मदत करण्यास सांगितले. त्या अन्वये पी.एस.आय मोहिते यांनी तात्काळ नमुद मोबाईल क्रमांकावर कॉल केला असता, कॉलर याने त्याचे नाव प्रबोधचंद्र सावंत असे सांगून ते खासदार अमोल कोल्हे यांचे पीए असल्याचं सांगितलं. त्यांच्या मतदार संघातील लोकांच्या एका वाहनाचा शहादा येथे अपघात झाला, असे सांगून त्यांना तातडीने मदत करावी म्हणून सांगितले.
तसेच त्यांनी दिलेला मोबाईल क्रमांक ९८३४३९५८०९ यावर पी.एस.आय मोहिते यांनी तात्काळ संपर्क केला. सदर कॉलर याने त्याचे नाव रविकांत मधुकर फसाळे असे सांगितले. त्यांचे बोलेरो वाहनाचा शहादा येथे अपघात होऊन ४ लोकं मयत झाले असून ७ ते ८ लोक जखमी आहे. जखमींवर नंदुरबार येथे शासकीय रुग्णालयात उपचार चालू आहेत, असे पी.एस.आय मोहिते यांना सांगितले. त्याबाबत हद्दीतील अधिकारी आणि कर्मचारी यांच्याकडून पी.एस.आय मोहितेंनी माहिती घेतली. सदर कॉलरने वारंवार कॉल करून त्यांना गुंतवून ठेवले. त्यानंतर कॉलर रविकात फसाळे यांनी पुन्हा पी.एस.आय मोहिते यांना कॉल केला. त्यांना तात्काळ रुग्णवाहिकेने शिवाजीनगर पुणे येथे जाणे असल्याने वाहनात डिझेलसाठी ७ हजार रुपयांची आवश्यकता असल्याचे सांगितले.
त्यावर पी.एस.आय मोहिते यांनी त्यांना आम्ही फक्त पोलीस मदत देऊ शकतो, असं सांगितलं. ही बाब पी.एस.आय मोहिते यांनी खासदार यांचे पीए प्रबोध चंद्र सावंत यांना सांगितली. त्यानंतर रविकांत मधुकर फसाळे यांनी पी.एस.आय मोहिते यांना थोड्या वेळाने पुन्हा कॉल करून सांगितले की, डिझेलचे काम झाले आहे. कृपया आम्ही सकाळपासून काहीही खाल्ले नाही उपाशी आहोत. कृपया आम्हाला जेवणासाठी २ हजार रुपयांची मदत करावी, जेणेकरून प्रवासादरम्यान काहीतरी जेवण करतील. सदर कॉलर यांना अपरात्र असल्याने आणि दूर प्रवास करणे असल्याने तसेच खासदार अमोल कोल्हे यांचा मदत करणेबाबतचा निरोप असल्याने पी.एस.आय मोहिते यांनी माणूसकीच्या नात्याने फोन पे अकाऊंटवर १ हजार रुपयांची मदत पाठवली.
त्यानंतर अपरात्र झाल्याने सकाळी पी.एस.आय मोहिते यांनी नियंत्रण कक्षामार्फत सदर अपघाताचे घटनेबाबत खात्री केली. तेव्हा अशा प्रकारची घटना ही नंदुरबार जिल्हा हद्दीत तसेच आजुबाजुच्या जिल्ह्यात देखील घडलेली नसल्याचे समजले. त्यामुळे अनोळखी व्यक्ती रविकांत मधुकर फसाळे यांनी खासदार अमोल कोल्हे यांचे नाव वापरून पोलिसांना अपघाताबाबतची खोटी माहिती देऊन पोलिसांची आर्थिक फसवणूक केली. तसेच पोलीस खात्याला अपघाताबाबत खोटी माहिती देऊन विनाकारण कामाला लावून शासकीय कामकाजाचा वेळ वाया घालवला आहे. याबाबत नंदुरबार शहर पोलीस ठाणे येथे ४३४/२०२३ भा.द.वी कलम भा.द.वि. कलम ४२०, १८२ सह माहीती तंत्रज्ञान अधिनियम २०००चे कलम ६६(ड) अन्वये गुन्हा नोंद करण्यात आला आहे.
Odisha Train Accident: ओडिशा रेल्वे अपघाताने कुटुंबाचा आधार हिरावला, तीन सख्ख्या भावांचा मृत्यू