तसेच खासदारांसोबत झालेल्या बैठकीत एकनाथ शिंदे यांनी १३ विद्यमान खासदारांसोबत चर्चा केली. या जागा पुन्हा जिंकण्यासाठी काय करावे लागेल, यावर चर्चा झाली. लोकसभेच्या या १३ जागांसंदर्भात रणनीती ठरवण्यासाठी संबंधित मतदारसंघांमधील भाजप आणि शिंदे गटाच्या स्थानिक नेत्यांची बैठक होईल, असेही सांगण्यात आले. तसेच मुख्यमंत्र्यांच्या माध्यमातून या सर्व लोकसभा मतदारसंघातील विकासकामांना गती देण्याचा निर्णय झाल्याची माहिती शिवसेना खासदार राहुल शेवाळे यांनी दिली.

Mumbai News: लोकसभा निवडणुकीसाठी हुकमी एक्क्यांचे मन वळवणार, आमदारांना उतरवणार खासदारकीच्या लढाईत

गेल्या जुलै महिन्यात शिवसेनेच्या १९ खासदारांपैकी १२ खासदारांनी एकनाथ शिंदे यांना पाठिंबा दिला होता. यानंतर त्यांनी लोकसभा अध्यक्षांना स्वतंत्र गट असल्याचे पत्रही दिले होते. यानंतरच्या काळात वायव्य लोकसभा मतदारसंघाचे खासदार गजानन किर्तीकर यांनी शिंदे गटात प्रवेश केला होता. त्यामुळे शिंदे गटातील खासदारांची संख्या १३ वर गेली होती. आता उद्धव ठाकरे गटाकडे केवळ सहा खासदार उरले आहेत.

नाशिकवर आता नंदुरबारचा कंट्रोल! गिरीश महाजनांचा पत्ता कट, भाजप प्रभारीपदाची सूत्रे कुणाच्या हाती?

भाजप आणि शिवसेना यांनी २०१९ साली युतीमध्ये निवडणूक लढवली होती. त्यावेळी भाजप-शिवसेनेने महाराष्ट्रातील ४८ पैकी ४१ जागांवर विजय मिळवला होता. त्यावेळी भाजपने २५ जागा लढवून २३ जागांवर विजय मिळवला होता. तर शिवसेनेने २३ जागा लढवल्या होत्या, त्यापैकी १८ जागांवर शिवसेनेचे खासदार निवडून आले. तर काँग्रेस आणि राष्ट्रवादीने लोकसभेच्या अनुक्रमे २५ आणि १९ जागा लढवल्या होत्या. तर चार जागांवर घटकपक्षाचे उमेदवार उभे होते.