सकाळीच घुसले केबिनमध्ये

१७ मे रोजी सकाळी ७ वाजताच्या सुमारास तोंडाला कापड बांधून अफरोज व त्याचे साथीदार पेट्रोल पंपाच्या केबिनमध्ये घुसले. यावेळी दिलीप आणि पंपावरील नोकर नान्हे हे दोघेही पैसे मोजत होते. अफरोजने त्यांच्यादिशेने पिस्तूलातून गोळी झाडली. मात्र गोळी पिस्तूलातच अडकली. त्यानंतर अन्य दोघांनी चाकूने दिलीप यांच्यावर १५पेक्षा अधिक वार केले. नान्हे यांच्यावरही वार केले. घटनास्थळीच दिलीप यांचा मृत्यू झाला. दिलीप यांचा मृत्यू झाल्याची खात्री पटताच १ लाख ३४ हजारांची रोख घेऊन तिघेही पसार झाले. याप्रकरणी भिवापूर पोलिसांनी खून व दरोड्याचा गुन्हा दाखल करून अफरोज व त्याच्या साथीदारांना अटक केली. तिघांची २४पर्यंत पोलिस कोठडी घेतली.

बाईकवरुन आले, गोळीबार केला, पेट्रोलपंप मालकाला लुटून भोसकलं, नागपूर हादरलं
प्रियाला अटक

याप्रकरणात सुरूवातीपासूनच पोलिसांना सुपारी किलिंगचा संशय होता. पोलिस अधीक्षक विशाल आनंद, अतिरिक्त पोलिस अधीक्षक डॉ. संदीप पखाले यांच्या मार्गदर्शनाखाली स्थानिक गुन्हेशाखेचे निरीक्षक ओमप्रकाश कोकाटे, भिवापूरचे ठाणेदार जयपालसिंग गिरासे, साहाय्यक पोलिस निरीक्षक शरद भस्मे यांनी कसून तपास सुरू केला असता प्रियानेच पाच लाख रुपयांमध्ये सुपारी दिल्याचे निष्पन्न झाले. पोलिसांनी प्रियाला अटक केली. वडिलांच्या त्रासाला कंटाळूनच हत्येची सुपारी दिल्याचे तिने मान्य केले.