छत्रपती संभाजीनगर: राज्यात महिलांवरील अत्याचारांमध्ये दिवसेंदिवस वाढ होत आहे. अशीच एक गंभीर घटना छत्रपती संभाजीनगर येथे घडली आहे. महिला आपल्या पतीबरोबर जात असताना दोन तरुणांनी महिलेचा विनयभंग केल्याची घटना शहरात घडली आहे. ‘तू तुझ्या पतीसोबत दर्शनाला जाऊ नको, माझ्यासोबत दर्शनाला चल’, असं म्हणत पतीसोबत दर्शनासाठी जाणाऱ्या महिलेशी लगट करण्याचा प्रयत्न करून विनयभंग केल्याची धक्कादायक घटना उघडकीस आली आहे. ही घटना कर्णपुरा मैदान या ठिकाणी घडली. दरम्यान, या प्रकरणी पीडितेने दिलेल्या तक्रारीवरून छावणी पोलीस ठाण्यामध्ये दोन तरुणांविरुद्ध गुन्हा दाखल करण्यात आला आहे.आकाश काशीराम चिपोल, विक्की बरेलीकर दोघेही(रा. रोहिदास पुरा जुना मोंढा) अशी गुन्हा दाखल झालेल्या आरोपींची नावं आहेत. याप्रकरणी अधिक माहिती अशी की, पीडित महिला छत्रपती संभाजी नगर शहरामध्ये राहते. दरम्यान, ही महिला कर्णपुरा येथील देवीचे दर्शन घेण्यासाठी पती सोबत जात होती. यावेळी दोन तरुणांनी या पत्नी पत्नीचा पाठलाग केला. एवढ्यावरच न थांबता कर्णपुरा मंदिराच्या मैदानासमोरच त्यांनी पीडित महिलेला थांबवत ‘तू तुझ्या पतीसोबत दर्शनासाठी जाऊ नको माझ्यासोबत दर्शनाला चल’ असे म्हटले.
CSK vs GT: चेन्नई सुपर किंग्जचा IPL फायनलमध्ये जाण्याचा विक्रम, जाणून घ्या चेन्नई कितव्यांदा पोहोचला फायनलला?
ही बाब ऐकून पती व महिलेला धक्का बसला. दरम्यान त्यांनी दोन्ही तरुणांना समजावण्याचा प्रयत्न केला. मात्र, तरुण ऐकण्याच्या मनस्थितीत नव्हते. त्यांनी महिलेसोबत लगट करण्याचा प्रयत्न केला. तसेच विक्की बरेलीकर याने पीडितेच्या पतीला मारहाण केल्याचा देखील उल्लेख महिलेने दिलेल्या फिर्यादीत करण्यात आला आहे. या अनपेक्षित प्रकरणाने पती व महिला प्रचंड घाबरले होते.
वाघोली दगडखाण कामगारांना कुणी ना वाली, रेशनचे धान्यच मिळत नाही, काम करून बोटांचे ठसे गेले हाच त्यांचा गुन्हा
दरम्यान, या प्रकारानंतर पीडित महिला व पतीने तत्काळ छावणी पोलीस ठाणे गाठले. दरम्यान घडलेला संपूर्ण प्रकार छावणी पोलिसांच्या समोर कथन केला. घटनेची गंभीरता लक्षात घेऊन पोलिसांनी त्वरित कारवाई करत दोन्ही आरोपींविरोधात विनयभंग प्रकरणी गुन्हा दाखल केला आहे. या प्रकरणाचा पुढील तपास पोलीस हवालदार जाधव करीत आहेत.
आरारारारा….! पगार झाल्याच्या खुशीत हे काय करू बसला?, असे काही केले की दोन दिवस गटारात लोळत राहिला, शेवटी…
