ही धक्कादायक घटना मुंढवा भगातील केशवनगर येथे घडली आहे. ज्येष्ठ नागरिकाचा किरकोळ कारणामुळे हत्या करणाऱ्या गुन्हेगारांची दहशत मोडून काढण्यासाठी मुंढवा पोलिसांनी त्यांची त्यांच्याच परिसरातून धींड काढली. या आरोपींना पोलिसांनी अटक केली आणि त्यांची धिंड काढली. नागनाथ पाटील, रोहित घाडगे, सनी चव्हाण अशा आरोपींचे नाव आहेत.
रवींद्र दिगंबर गायकवाड असे हत्या झालेल्याचे नाव आहे. या प्रकरणी मुंढवा पोलिसांनी चार जणांविरुद्ध गुन्हा दाखल केला आहे. गायकवाड यांचे केशवनगर येथील श्रीकृपा सोसायटीत घर आहे. तेथेच गाई-म्हशींचा गोठा आहे. गायकवाड यांच्या गोठ्याजवळ काही तरुण अंमली पदार्थाची नशा करत बसले होते. रवींद्र गायकवाड यांनी नशा करत असलेल्या तरुणाच्या टोळक्याला हत्कल्याने या टोळक्याने त्यांची दगडाने आणि कोयत्याने वार करून हत्या केली होती.
गायकवाड यांची हत्या झाल्यानंतर मुंढवा आणि केशवनगर गाव बंद ठेवून निषेध नोंदवण्यात आला होता. त्यानंतर पोलिसांनी घटनेची दखल घेत आरोपींचा शोध लावून त्यांच्या मुसक्या आवळल्या. त्यानंतर त्यांनी ज्या ठिकाणी ही हत्या केली त्या ठिकाणाहून संपूर्ण गावातून या आरोपींची धिंड काढली. गुंडाची दहशत निर्माण करणाऱ्या गुंडांना आळा बसावा यासाठी पोलिसांनी ही धिंड काढली होती.
आमदारांच्या अपात्रतेचा निर्णय विधानसभा अध्यक्षांचा, पण व्हीप माझ्याच शिवसेनेचा चालणार: उद्धव ठाकरे