रत्नागिरी : मुंबई येथून कोकणात रत्नागिरी येथे ट्रेनने लाखो रुपयांची ब्राऊन शुगरची वाहतूक करणाऱ्या तीस वर्षीय तरुणाला रत्नागिरी शहर पोलिसांनी पकडल्याने मोठी खळबळ उडाली आहे. पोलिसांनी या तरुणाकडून १३ ते १५ ग्रामच्या तब्बल ४५० पुड्या पकडल्या आहेत. ब्राऊन शुगर हा सगळ्यात महागडा अमली पदार्थ असल्याचं सांगितले जाते. पकडण्यात आलेल्या मुद्देमालाची किंमत काही लाखात किंवा कोट्यावधी रुपये मध्ये असू शकते असा अंदाज व्यक्त होत आहे.मंगळवारी पहाटे ०५:३० च्या दरम्यान रत्नागिरी शहर पोलीस ठाणे गुन्हे प्रकटीकरण पथकातील अधिकारी व अंमलदार यांनी गोपनीय माहिती मिळाल्यावरून ही मोठी कारवाई करण्यात आली आहे. याप्रकरणी संशयित मोहसीन अब्दुल गनी शेख (वय ३० वर्षे रा.कोकणनगर, रत्नागिरी) याला ताब्यात घेतले आहे. सायंकाळी उशिरापर्यंत गुन्हा दाखल करण्याची प्रक्रिया सुरू होती. रत्नागिरी जिल्हा पोलीस अधीक्षक धनंजय कुलकर्णी यांच्या मार्गदर्शनाखाली ही मोठी कारवाई करण्यात आली आहे.
लाखो रुपये किंमत असल्याने ब्राऊन शुगरही मोठ्या प्रमाणात असल्याने एकच खळबळ उडाली आहे. यावरून रत्नागिरी शहर परिसरात मोठ्या प्रमाणात अंमली पदार्थाचे सेवन केले जात असून त्यावर आळा घालणे महत्त्वाचे झाले आहे. त्यादृष्टीने शहर पोलीस ठाण्याचे एक पथक सतत कार्यरत असून आज सकाळी रेल्वे स्टेशन परिसरात लाखो रुपये किंमतीची ब्राऊन शुगरची पावडर रत्नागिरी शहरात आणणाऱ्या एका तरुणाला शहर पोलीस ठाण्याच्या पथकाने पकडल्याने एकच खळबळ उडाली आहे.
लाखो रुपये किंमत असल्याने ब्राऊन शुगरही मोठ्या प्रमाणात असल्याने एकच खळबळ उडाली आहे. यावरून रत्नागिरी शहर परिसरात मोठ्या प्रमाणात अंमली पदार्थाचे सेवन केले जात असून त्यावर आळा घालणे महत्त्वाचे झाले आहे. त्यादृष्टीने शहर पोलीस ठाण्याचे एक पथक सतत कार्यरत असून आज सकाळी रेल्वे स्टेशन परिसरात लाखो रुपये किंमतीची ब्राऊन शुगरची पावडर रत्नागिरी शहरात आणणाऱ्या एका तरुणाला शहर पोलीस ठाण्याच्या पथकाने पकडल्याने एकच खळबळ उडाली आहे.
जिल्हा पोलीस अधीक्षक धनंजय कुलकर्णी यांच्या मार्गदर्शनाखाली शहर पोलीस निरीक्षक विनीत चौधरी यांच्या पथकातील सहाय्यक पोलीस निरीक्षक आकाश साळुंखे पोलीस कर्मचारी प्रवीण बर्गे, गणेश सावंत, अमोल भोसले, आशिष भालेकर, विनय मनवाल, रत्नकांत शिंदे, प्रसाद घोसाळे या पथकातील कर्मचाऱ्यांनी आज सकाळी ही मोठी कारवाई करून काही लाख रुपये किमतीचा रुपये किंमतीची ब्राऊन शुगर ताब्यात घेतली आहे.
Jalgaon Accident : ट्रॅक्टरने रिक्षाला उडविले, संतप्त ग्रामस्थांचे धक्कादायक कृत्य, पाहणाऱ्यांचा उडाला थरकाप
ब्राऊन शुगर हा महागडा अंमली पदार्थ असून त्याची किंमत ही सर्वाधिक असते. काही मिलीग्रामची एक पुडी म्हणजे ३०० रुपये रुपये इतक्या दरात मिळत असल्याचंही बोललं जाते. अशी लाखो रुपये किंमतीची पावडर म्हणजेच ब्राऊन शुगर कोकण नगर येथील एका युवकाने रत्नागिरीत रेल्वे स्टेशन येथे आणल्याची गुप्त माहिती खबऱ्यांकडून पोलिसांना मिळताच पोलिसांनी त्या युवकाला ब्राऊन शुगरसहित ताब्यात घेतले आहे.
आजची तरुण पिढी ही अशा अंमली पदार्थच्या आहारी गेली असून चरस, गांजा आणि ब्राऊन शुगरची विक्री याच परिसरात केली जात असल्याचा अंदाज आहे. आता पकडण्यात आलेल्या तरुणाकडून तपासात नेमकी कोणती माहिती समोर येते हे पाहणं महत्त्वाचं ठरणार आहे. यापुढेही पोलिसांनी अशी कारवाई अंमली पदार्थाच्या विरोधात करावी अशी मागणी सुज्ञ नागरिकांकडून होऊ लागली आहे.
महिला डॉक्टर ९ महिन्यांपूर्वी कामाला लागली, अजून पगारच मिळाला नाही… उचलले धक्कादायक पाऊल