जळगाव : लग्नातील हळदीच्या कार्यक्रमात महिला व मुली या नाचत असतांना चोरून व्हिडीओ काढल्याच्या कारणावरून दोन गटात हाणामारी झाल्याची घटना अमळनेर शहरातील गांधलीपूरा भागात घडली. या हाणामारीत एकाने तलवार बाहेर काढल्याने मोठी खळबळ उडाली होती. याप्रकरणी अमळनेर पोलीस ठाण्यात दोन्ही गटाच्या दहा जणांविरोधात गुन्हा दाखल करण्यात आला आहे.अमळनेर शहरातील गांधलीपूरा भागात अमोल अशोक खैरनार याच्या घरी लग्नाचा कार्यक्रम होता. शनिवारी ६ मे रोजी रात्री ११ वाजता लग्नातील हळदीच्या कार्यक्रमात महिला व मुली नाचत होत्या. त्यावेळी अमन हारून बागवान, शाबीर फिरोज पिंजारी यांच्यासह इतर २ ते ३ जणांनी महिला नाचतानांचा चोरून व्हिडीओ केला.
Financial Fraud: मोदींसाठी अपशब्द वापरणाऱ्या काँग्रेस नेत्याला अटक, १.५९ कोटींची फसवणूक केल्याचा आरोप
तलवार हातात घेऊन माजवली दहशत
Financial Fraud: मोदींसाठी अपशब्द वापरणाऱ्या काँग्रेस नेत्याला अटक, १.५९ कोटींची फसवणूक केल्याचा आरोपतलवार हातात घेऊन माजवली दहशत
हा प्रकार लक्षात आल्यानंतर राहूल रमेश भोई याने या मुलांना हटकले. याचा राग आल्याने अमर बागवान, शबीर पिंजारी यांच्यासह इतर आणि दुसऱ्या गटातील राहूल रमेश भोई, गौरव तुकाराम मिस्तरी आणि इतर यांच्या धक्काबुक्की केल्याने वाद वाढला. यात संबंधितांनी एकमेकांना मारहाण केली. यावेळी राहूल भोई याने हातात तलवार घेऊन दहशत माजविली.
सराईत चोरट्याने लढवली चोरीची अजब शक्कल, पण करामत फार काळ टिकली नाही, शेवटी व्हायचे तेच झाले
आरोपी घटनास्थळावरून झाले पसार
घटनेची माहिती मिळाल्यावर अमळनेर पोलीस ठाण्याचे कर्मचारी यांनी धाव घेतली असता दोन्ही गटातील संशयित घटनास्थळाहून पसार झाले. याप्रकरणी पोलीस कॉन्स्टेबल श्रीराम पाटील यांनी दिलेल्या फिर्यादीवरून अमन हारून बागवान, शाबीर फिरोज पिंजारी यांच्यासह इतर २ ते ३ तसेच राहूल रमेश भोई, गौरव तुकाराम मिस्तरी व आणखी इतर २ ते ३ जण अशा आठ ते दहा जणांविरोधात गुन्हा दाखल करण्यात आला आहे. पुढील तपास पोलीस उपनिरीक्षक अनिल भुसारे हे करीत आहेत.
ती प्रियकरासोबत पायरीवर बसून बोलत होती, इतक्यात ३ युवक आले आणि केले धक्कादायक कृत्य