आळंदी, पुणे: खेड तालुक्यातील आळंदी परिसरातून एक धक्कादायक घटना समोर आली आहे. अनैतिक संबंधात अडथळा ठरत असलेल्या पत्नीला पती आणि त्याच्या प्रेयसीने जीवे मारण्याचा प्रयत्न केला. दोघा आरोपींनी पत्नीचे हात पाय बांधून तिच्या गळ्यावर वार करून तिच्यावर हल्ला केला. या प्रकरणात आळंदी पोलिसांनी पती आणि त्याच्या प्रेयसीवर जीवे मारण्याचा प्रयत्नाचा गुन्हा दाखल केला आहे.खेड तालुक्यातील चिंबळी येथे मंगळवारी (दि.२५) दुपारी हा धक्कादायक प्रकार घडला. याबाबत पीडित महिलेने आंळदी पोलीस ठाण्यात फिर्याद दिली असून आरोपी पती व त्याच्या प्रेयसीवर गुन्हा दाखल करण्यात आला आहे.
याबाबत पोलिसांनी दिलेली माहिती अशी की, फिर्यादी आणि तिचा पती गेल्या काही दिवसांपासून चिंबळी परिसरात वास्तव्य करत आहेत. मात्र पतीचे बाहेरच्या महिलेशी अनैतिक संबंध होते. पण पत्नीमुळं पती आणि त्याच्या प्रेयसीला एकत्र राहता येत नव्हते. वारंवार ती त्यांच्या संबंधात अडथळा निर्माण करत होती.
याबाबत पोलिसांनी दिलेली माहिती अशी की, फिर्यादी आणि तिचा पती गेल्या काही दिवसांपासून चिंबळी परिसरात वास्तव्य करत आहेत. मात्र पतीचे बाहेरच्या महिलेशी अनैतिक संबंध होते. पण पत्नीमुळं पती आणि त्याच्या प्रेयसीला एकत्र राहता येत नव्हते. वारंवार ती त्यांच्या संबंधात अडथळा निर्माण करत होती.
पती आणि तिच्या प्रेयसीला एकत्र राहायचे होते. आपण हिला मारून टाकल्याशिवाय आपल्या दोघाना एकत्र राहता येणार नाही, असा विचार दोघांनी केला. त्यामुळे त्यांनी तिला मारण्याचा कट रचला. त्यानुसार पती आणि त्याच्या प्रेयसीने अडथळा ठरणाऱ्या पत्नीला घरात असताना तिचे हातपाय दोरीने बांधले. आणि दुसऱ्याने तिच्या गळ्यावर वार करत तिला जीवे मारण्याचा प्रयत्न केला.
सावधान! उष्म्यामुळे मूत्रपिंड विकारांत वाढ, रुग्णांची संख्या वाढली, काय काळजी घ्याल?
मात्र पत्नीने तिची सुटका करून घेत थेट पोलिस स्टेशन गाठले. पोलिस स्टेशनमध्ये फिर्यादीने पोलिसांना आपबिती सांगितल्यानंतर पोलिसांनी पती आणि तिच्या प्रेयसीवर गुन्हा दाखल केला आहे. या प्रकरणाचा अधिक तपास आळंदी पोलिस करत आहेत.
साडे तीन लाख पुऱ्या, १ हजार किलो कांद्याची चटणी; हनुमान जन्मोत्सवानिमित्त पुणेकरांसाठी महाप्रसाद