नांदेड :चढतीचा रस्ता पार करत असताना एसटी बस चालकाचा अचानक ताबा सुटला आणि बस रस्ता सोडून नाल्यात जाऊन उलटली. गुरुवारी दुपारी कंधार तालुक्यातील बामणी फाटा येथे हा अपघात झाला. या अपघातात १५ प्रवासी जखमी झाल्याची माहिती आहे. त्यात एका चार वर्षाच्या बालकाचा देखील समावेश आहे. घटनेनंतर जखमीना कंधार आणि नांदेडच्या शासकीय रुग्णालयात दाखल करण्यात आले.या अपघाताबाबत मिळालेल्या माहितीनुसार, कंधार आगाराची बस गुरुवारी दुपारी कंधारवरुन बाचोटी, हाळदा मार्गे नायगाव कडे जात होती. या बसमध्ये एकूण ७२ प्रवासी होते. बामणी फाट्याजवळील चढतीचा रस्ता पार करत असताना पावसामुळे रस्त्यावर असलेल्या चिखलामुळे बस चालक एन. एम. ईबीतवार यांचा बसवरील ताबा सुटला. चढाचा रस्ता चढत असताना बस रोड सोडून घसरत नाल्यात जाऊन उलटली.
कल्याण हादरले; अल्पवयीन मुलीवर चौघांचा सामूहिक अत्याचार, इन्स्टाग्रामवर झाली होती मैत्री
अपघातात ५ प्रवासी गंभीर जखमी
कल्याण हादरले; अल्पवयीन मुलीवर चौघांचा सामूहिक अत्याचार, इन्स्टाग्रामवर झाली होती मैत्रीअपघातात ५ प्रवासी गंभीर जखमी
या अपघातात बस चालक, वाहक यासह प्रवाशी जखमी झाले आहे. घटनेनंतर जखमी झालेल्या प्रवशांना तत्काळ कंधारच्या ग्रामीण रुग्णालयात दाखल करण्यात आले. १५ पैकी ५ जणांची दुखापत जास्त असल्याने त्यांना नांदेड येथील शासकीय रुग्णालयात दाखल करण्यात आले. घटनेची माहिती मिळताच पोलिसांनी घटनास्थळी धाव घेत रुग्णांना रुग्णालयात नेण्यास मदत केली. पाऊस आणि त्यातच रस्त्यावर चिखल असल्याने चालकाचा वाहणावरील ताबा सुटल्याने हा अपघात झाला आहे, असं सांगण्यात येतं आहे.क्रूरतेचा कळस; तरुणाने लग्नाचे आमिष दाखवले, नंतर संबंध ठेवले; बेल्टने मारहाण करून सिगारेटचे चटके दिले
५ रुग्ण गंभीर रुग्ण
संताजी हौसाजी शिनगारपुतळे ( वय ७५ वर्षे, रा.बामणी), श्रीकांत जळबा लूक्कडवाड (वय १५ वर्षे, रा.जंगमवाडी नांदेड ), गोविंद बाबुराव पांचाळ ( वय ३५ वर्षे, रा कोलंबी), मारोती धोंडीबा पवळे (वय ७५ वर्षे, रा. चिखली) आणि अंजनाबाई कोंडीबा कांबळे ( वय ६० वर्षे, रा. सुलतानपुरा कंधार) हे पाच रुग्ण गंभीर जखमी झाले आहेत. अनेकांच्या डोक्याला आणि छातीला मार असणाऱ्या रुग्णांचा समावेश आहे.
Operation Kaveri : जगभरात ऑपरेशन कावेरीची चर्चा, जिथे अमेरिकेने माघार घेतली तिथे भारताने करून दाखवले
किरकोळ जखमी
शिवार आनंदा आईलवाड (वय ३५ वर्षे, रा.चिखली) , कृष्णाबाई गोविंदराव पांचाळ (वय ३० वर्षे, रा. कोलंबी), गिरीधर गोविंद पांचाळ ( वय ४ वर्षे, रा. कोलंबी), सदाशिव रामा कोंडेवाड ( वय ७० वर्षे, रा. बाचोटी), रुक्मिणी लक्ष्मण हुंदाडे (वय ६० वर्षे, रा. बामणी), अर्चना आनंदा आईलवाड ( वय २० वर्षे, रा चिखली), नारायण दिगंबर ठाकूर (वय ३८ वर्षे, रा. मुक्ताईनगर कंधार) वरील सर्व किरकोळ जखमी असून कंधार येथील ग्रामीण रुग्णालयामध्ये उपचार घेत आहेत.