नाशिक :नांदगावचे माजी आमदार संजय पवार आणि त्यांचा मुलगा सूरज पवार यांच्यावर मनमाड पोलीस ठाण्यात गुन्हा दाखल करण्यात आला आहे. फसवणूक करून ६ लाख रुपये परस्पर काढून घेतल्याप्रकरणी हा गुन्हा दाखल करण्यात आला आहे. या प्रकरणी राजस्थान येथील रामअवतार सिंह श्रीहरफूल सिंह (वय ४५ वर्षे) यांनी पवार यांच्या विरोधात दिलेल्या तक्रारीवरून माजी आमदार संजय पवार आणि त्यांचे पुत्र सूरज पवार यांच्यावर गुन्हा दाखल करण्यात आला आहे.तक्रारदार राजेंद्र सिंह हे आरएसबी इन्फ्रा कंपनी प्रायव्हेट लिमीटेड वैशालीनगर जयपुर राजस्थान येथे नोकरीस आहेत. तर त्यांची कंपनी ही रोडच्या कामकाजाचे कॉन्ट्रॅक्ट घेवून रोड बनवते. तसेच माजी आमदार संजय पवार यांचा नांदगाव तालुक्यातील नागापूर येथे सिद्धिविनायक पेट्रोल पंप आहे. या पेट्रोल पंपावर रोड बनवण्या साठी लागत असलेल्या वाहनात डिझेल भरल्यानंतर इंधनाचे पैसे कार्डद्वारे देण्यासाठी गेले. परंतु यावेळी इंटरनेट बंद असल्याचे कारण सांगून त्यांनी कार्ड त्यांच्या स्वतःजवळ ठेवून घेतले आणि त्यातून जास्तीचे सहा लाख रुपये रक्कम काढून घेतली. त्यामुळे राजेंद्र सिंह यांनी मनमाड पोलीस ठाण्यात या प्रकरणी तक्रार दाखल केली होती.

Ajit Pawar : ‘भावी मुख्यमंत्री अजितदादा’, सासुरवाडीत लागले बँनर, राजकीय वर्तुळात रंगली चर्चा
राजेंद्र सिंह यांच्या कंपनीला महाराष्ट्र सार्वजनीक बांधकाम विभागाच्या वतीने मनमाड नांदगाव रोड NH 7533 हया रोडचे सिमेंट रोड बनवण्याचे कामकाज मिळाले होते. कंपनीने मनमाड नांदगाव सिमेंट रोडचे काम जानेवारी २०२२ ते डिसेंबर २०२२ या कालावधीत पूर्ण केले. परंतु रोडचे काम चालू असताना कंपनीच्या वेगवेगळया वाहनांना आणि मशिनरीसाठी लागणारे पेट्रोल व डिझेल हे दोन पिकअप व्हॅन RJ14GJ7374, आणि RJ14GB 4789 मध्ये टाकी ठेवून त्यामध्ये संजय पवार यांच्या सिद्धिविनायक पेट्रोल पंपावरून भरून प्लॉटवर आल्यानंतर पेट्रोल पंपावर मिळालेली पावती व पेट्रोल-डिझेल चेक करून दुस-या टाकीत जमा केले जात होते व गरजेनुसार वाहनांना पुरवले जात होते.

काळजाचा थरकाप उडवणारी घटना! पॉर्न पाहून ८ वर्षीय मुलीवर बलात्कार, मृतदेहाचे १० तुकडे केले, बाथरूममध्ये लपवले
पवार यांच्या सिद्धिविनायक पेट्रोल पंपावरून घेतलेल्या डिझेलचे बिल कार्ड व्दारे दिले जात होते. पंपाचे डिझेल व पेट्रोल भरल्याचे बाकी राहिलेले ३० हजार रुपये देण्यासाठी सदर कंपनीचे अकाऊंट मॅनेजर मनोज कुमार पारीख यांनी कार्ड हे त्यांच्याच कंपनीचे डिझेल इनचार्ज राकेश कुमार यांना दिले. राकेश कुमार यांनी पैसे देण्यासाठी सुरज पवार याच्या हातात कार्ड दिले. परंतु सुरज पवार यांनी इंटरनेट प्रॉब्लेम आहे असे कारण सांगून ट्रांजॅक्शन होत नसल्यामुळे कार्ड माझ्याकडे ठेवून जा, इंटरनेटची रेंज आल्यावर ट्रांजॅक्शन करून कार्ड सकाळी तुम्हाला देतो, असे राकेश कुमार यांना सांगून परत पाठवले.

करीयरच्या संधीचे आमिष दाखवले, अभिनेत्रीसह पाच जणांना दुबईच्या तुरूंगात अडकवले, दोघांना अटक
यादरम्यान पवार यांच्याकडे ठेवून घेतलेले कार्ड स्वॅप मारून त्यातून सहा लाख रुपये जास्तीचे काढून घेतले व फसवणूक केली. अशी तक्रार दाखल करण्यात आली होती. या तक्रारीवरून माजी आमदार संजय पवार आणि त्यांचे पुत्र सूरज पवार यांच्यावर २३ एप्रिल २०२३ रोजी ४२०, ४०६ , ५०४, ५०६, ३४ प्रमाणे गुन्हा दाखल करण्यात आला आहे.