पुणे:वाईन शॉप बंद करून घरी निघाल्यानंतर दोन अज्ञात लुटारूंनी वाईन शॉप मालकाच्या हातून पैश्यांची बॅग हिसकावून घेण्याचा प्रयत्न केला. मात्र मालकाने चोरट्यांना न घाबरता बॅगेवरची पकड ढिली होऊ दिली नाही. आरडा ओरडा करत कामगार आणि परिसरातल्या नागरिकांना जमा केलं. लुटाऱ्यांनी जमाव पाहिल्याने हवेत गोळीबार करत तिथून पसार झाले. हा थरारक प्रकार पुण्यातल्या नऱ्हे येथील नवले हॉस्पिटलच्या पाठीमागील गेट जवळील हिरो वाईन्स च्या मालकासोबत घडला.याबाबत तुकाराम सोपान इंगळे (वय:५७, रा. शिवणे, पुणे) यांनी सिंहगड रस्ता पोलीस ठाण्यात दोन अज्ञात लुटारूविरोधात तक्रार दिली आहे.

अजब कारभार! अधिकाऱ्याला निवृत्तीच्या दिवशी मिळाली पदोन्नती, थेट मुख्यमंत्र्यांना लिहलं पत्र
याबाबत अधिक माहिती अशी की, तुकाराम इंगळे यांच्या मालकीचे नऱ्हे परिसरात हिरो वाईन्स या नावाने वाईन्स शॉप आहे. रविवारी रात्री अकरा वाजण्याच्या सुमारास ते दुकान बंद करून घरी जाणांच्या उदेशाने आपल्या गाडीत बसत होते. मात्र त्यावेळी धायरी फाट्याच्या दिशेने दुचाकीवर दोन अनोळखी व्यक्ती तुकाराम जवळ येऊन थांबले. तरुणांनी दुचाकीवरून खाली उतरुन तुकाराम यांच्याजवळ येवून पिस्तुलाचा धाक दाखवून त्यांच्याजवळ असलेल्या पैश्याची बॅग हिसकावून घेण्याचा प्रयत्न करत होते. परंतु इंगळे यांनी ती बॅग घट्ट पकडल्याने प्रयत्न करून ही पैश्यांची बॅग चोरांना मिळाली नाही. दरम्यान इंगळे यांनी आरडा ओरडा केल्याने दुकानातील कामगार व नागरिक जमा झाले. जमाव जमल्यानंतर चोरांना आपला डाव फसलाचे कळल्यावर त्यांनी हवेत गोळीबार केला व ते महाराष्ट्र बँकेच्या दिशेने पसार झाले.

नामीबियातून भारतात आणलेल्या आणखी एका चित्त्याचा मृत्यू, महिनाभरात दुसरी घटना, कारण अस्पष्ट
याबाबत सिंहगड रस्ता पोलीस ठाण्यात दोन अज्ञात तरुणांविरुद्ध गुन्हा दाखल करण्यात आला आहे. तुकाराम इंगळे यांच्या हातात असलेली बॅगेतले दोन लाख एकोणीस हजारांची रोकड आहे होती. लूट करण्यासाठी आलेले दोन चोरांपैकी पुढे बसलेल्या काळया रंगाचा शर्ट घातलेल्या व मागील बाजुस बसलेल्या पांढरा शर्ट घातलेल्या अशी ओळख दिलेल्या तक्रारीत नमूद करण्यात आलं आहे. पुढील तपास सहायक पोलिस निरीक्षक सचिन निकम करीत आहेत.

साडे तीन लाख पुऱ्या, १ हजार किलो कांद्याची चटणी; हनुमान जन्मोत्सवानिमित्त पुणेकरांसाठी महाप्रसाद