नाशिक: बायकोशी अनैतिक संबंध असल्याच्या रागातून मित्राची हत्या करून पसार झालेल्या भोंदू बाबाला तब्बल ९ वर्षानंतर १९ एप्रिल रोजी रात्री चाळीसगाव शहरातून पोलिसांनी अटक केली आहे. तुळशीराम बुधा सोनवणे (वय ३२, रा. पिंपळकोठे ता. बागलाण जि. नाशिक) असं अटकेतील संशयिताचे नाव आहे. तुळशीराम सोनवणे हा आलियाबाद गावात मांत्रीक म्हणून प्रसिध्द असल्याची माहिती तपासात समोर आली आहे.
प्रविण सोनवणे (रा. पिंपळकोठे ता. बागलाण जि. नाशिक) हा तुळशीराम सोनवणे याचा नातेवाईक होता. प्रवीण हा तुळशीराम याला गुरु म्हणत होता. तो अघोरी विद्या शिकण्याच्या बहाण्याने तुळशीरामच्या घरी येत जात असे. यादरम्यानच्या काळात प्रवीणचे तुळशीरामच्या बायकोशी अनैतिक संबंध प्रस्थापित झाले. काही दिवसांपासून सुरू असलेला प्रकार तुळशीरामला कळला. त्यामुळे तुळशीराम याने प्रवीणचा काटा काढायचं ठरवलं.
प्रविण सोनवणे (रा. पिंपळकोठे ता. बागलाण जि. नाशिक) हा तुळशीराम सोनवणे याचा नातेवाईक होता. प्रवीण हा तुळशीराम याला गुरु म्हणत होता. तो अघोरी विद्या शिकण्याच्या बहाण्याने तुळशीरामच्या घरी येत जात असे. यादरम्यानच्या काळात प्रवीणचे तुळशीरामच्या बायकोशी अनैतिक संबंध प्रस्थापित झाले. काही दिवसांपासून सुरू असलेला प्रकार तुळशीरामला कळला. त्यामुळे तुळशीराम याने प्रवीणचा काटा काढायचं ठरवलं.
अग्निवीर प्रशिक्षणावेळी जवानाचा उष्माघाताने बळी, धुळ्याच्या २१ वर्षीय तरुणाचा नाशकात अंत
तुळशीरामच्या डोक्यात प्रवीण याच्याबद्दलचा राग कायम होता. प्रवीणला संपवण्यासाठी तुळशीराम याने त्याच्या मित्राची मदत घेतली आणि हत्या करण्याचा प्लॅन रचला. एके दिवशी तुळशीरामने प्रवीणला त्याच्या घरी बोलावले. याचदरम्यान तुळशीरामने मित्राच्या मदतीने प्रवीणला गळफास देऊन त्याची हत्या केली. हत्येनंतर प्रवीण हा मेल्याची खात्री झाल्यावर तुळशीराम आणि त्याचा मित्र हे दोघेही प्रवीणचा मृतदेह घरात सोडून पसार झाले होते.
२०१४ साली ही घटना घडली होती. प्रविण सोनवणे हा घरी न आल्याने त्याच्या नातेवाईकांनी नाशिक जिल्ह्यातील जायखेडा पोलिसांत तक्रार नोंदवली होती. पोलीस प्रविणचा शोध घेत असतांना त्याचा मृतदेह तुळशीराम सोनवणे याच्या राहत्या घरात मिळून आल्याने या प्रकरणी आकस्मिक मृत्यूची नोंद करण्यात आली होती. २०१४ पासून तेथील पोलीस हे आरोपी तुळशीराम सोनवणेचा शोध घेत होते.
तब्बल ९ वर्षानंतर भोंदू बाबा पोलिसांना गवसला
१९ एप्रिल २०२३ रोजी मध्यरात्री चाळीसगाव पोलिसांनी चाळीसगाव शहरात कोंबिंग ऑपरेशन राबवले होते. या कोंबिंग ऑपरेशनमध्ये पोलिसांना चाळीसगाव शहरातील दत्तवाडी परिसरात फॉरेस्ट विभागाच्या भिंती लगत एक संशयित इसम त्याचे स्वतःचे अस्तित्व लपवून गुन्हा करण्याच्या तयारीत असल्याचे मिळून आले होते. पोलिसांच्या चौकशीत पकडलेल्या संशयिताचे नाव तुळशीराम बुधा सोनवणे असे असल्याचे निष्पन्न झाले होते.
त्याच्याकडे यावेळी लोखंडे सळई मिळून आली होती. पोलिसांच्या तपासात तुळशीराम सोनवणे हा नाशिक जिल्ह्यातील जायखेडा पोलीस स्टेशनला दाखल असलेल्या गुन्ह्यात फरार असल्याचे समोर आले. प्रवीण सोनवणे याचे तुळशीरामच्या बायकोशी अनैतिक संबंध असल्याने रागातून त्याची हत्या केल्याची कबूली तुळशीराम सोनवणे याने पोलिसांना दिली आहे.
भोंदू बाबाला चाळीसगाव पोलिसांनी केले जायखेडा पोलिसांच्या स्वाधीन
अपर पोलीस अधीक्षक रमेश चोपडे, चाळीसगाव परिमंडळ आणि सहाय्यक पोलीस अधीक्षक अभयसिंह देशमुख यांच्या मार्गदर्शनाखाली चाळीसगाव शहर पोलीस स्टेशनचे गुन्हे शोध पथकाचे पोलीस उपनिरीक्षक सुहास आव्हाड, राहुल सोनवणे, भूषण पाटील, विजय पाटील, रवींद्र बच्चे, निलेश पाटील, अमोल भोसले, आशुतोष सोनवणे, समाधान पाटील, शरद पाटील यांच्या पथकाने कोंबिंग ऑपरेशन दरम्यान गस्त घालताना तुळशीरामला अटक केली. भोंदुबाबा तुळशीराम सोनवणे यास अटक करुन जायखेडा पोलिसांच्या स्वाधीन करण्यात आले आहे.
नागपूरमध्ये थरार; डीजे वाजवण्यावरून होता जुना वाद, तीन तरुणांनी केला हल्ला, तरुण गंभीर जखमी