परभणीच्या पाथरी तालुक्यातील लिंबा येथे राहणाऱ्या बाळासाहेब किसन दळवी हे अल्पभूधारक शेतकरी होते. त्यांचं दोन एकर शेत आहे. शेतामध्ये उत्पन्न कमी मिळत असल्याने त्यांनी भारतीय स्टेट बँकेच्या शाखेकडून कर्ज घेतलं होतं. बाळासाहेब दळवी मागील काही दिवसापासून अस्मानी आणि सुलतानी संकटाचा सामना करताना शेतातील पिक हातातून गेल्यामुळे बँकेचं कर्ज कसं फेडावं या विवंचनेमध्ये होते.

भावावरील हल्ल्याचा बदला; मित्रांसह कोयत्याने वार करून २२ वर्षीय तरुणाची हत्या, नाशिकमध्ये खळबळ
कर्ज कसं फेडावं या विचारात असताना आपली म्हैस सकाळी शेताजवळ असलेल्या गोदावरी नदीपात्रामध्ये चरण्यासाठी घेऊन गेले होते. त्याचेवेळी त्यांनी म्हशीच्या गळ्यात असलेला कासरा सोडून गावाजवळील बाबुराव झाटे यांच्या शेतातील लिंबाच्या झाडाला गळफास लावून आत्महत्या केली. त्यांच्या आत्महत्येचं नेमकं कारण काय आहे हे अद्याप समजू शकलेलं नाही.

आत्महत्या केलेल्या बाळासाहेब दळवी यांच्या पश्चात वडील, पत्नी, दोन भाऊ, दोन मुलं आसा मोठा परिवार आहे. या घटनेने मूळ लिंबा परिसरात सर्वत्र हळहळ व्यक्त केली जात आहे. दरम्यान घटनेची माहिती मिळताच पोलिसांनी घटनास्थळी भेट देऊन पंचनामा केला आहे. पोलिसांकडून प्रकरणाचा अधिक तपास केला जात आहे.

वातावरण बदलामुळे शेतकऱ्यावर मोठं संकट ओढावलं आहे. अवकाळी पाऊस, गारपीट यामुळे शेतकऱ्याच्या हाता – तोंडाशी आलेला घास हिरावला आहे. त्याच चिंतेतून शेतकऱ्याने टोकाचं पाऊल उचललं. संपूर्ण कुटुंबाला मागे टाकून शेतकऱ्याने उचललेल्या या टोकाच्या निर्णयामुळे सर्वत्र हळहळ व्यक्त होत आहे.