त्याच सुमाराला ती डोंबिवली पूर्वे कडील शांतीनगर भागातील वेद ओमशांती सोसायटी समोरील रस्त्यावर येताच, आरोपी जिग्नेशने तिला रस्त्यात थांबवून तू मला खूप आवडतेस, मी तुझ्याशी लग्न करेन, तू माझ्या बरोबर ये, असं म्हटलं. मात्र, तिने त्याला नकार दिला. त्यामुळे संतापलेल्या आरोपी जिग्नेश याने त्याच्याकडे असलेल्या धारदार चाकूने पीडित तरुणीच्या गळयावर वार करून घटनास्थळावरून पळून गेला.
दरम्यान, घटनेची माहिती मिळताच टिळकनगर पोलिसांचे पथक घटनास्थळी दाखल झाले. त्यांनी पंचनामा करत गंभीर जखमी अवस्थेत तरुणीला डोंबिवलीतील रुग्णालयात दाखल केले. मात्र, तिची प्रकृती चिंताजनक असल्याने पुढील उपचारासाठी ठाण्यातील कळवा तेथील छत्रपती शिवाजी महाराज शासकीय रुग्णालयात दाखल केले. सध्या तिच्यावर अतिदक्षता विभागात उपचार सुरु असून तिची प्रकृती स्थिर असल्याचे सांगण्यात आले. घटना १४ एप्रिल रोजी घडली असून आरोपी मात्र अद्यापही फरार आहे. त्यामुळे अधिक माहिती देण्यास वरिष्ठ पोलीस अधिकाऱ्यांनी नकार दिला आहे. या गुन्ह्याचा अधिक तपास सहाय्यक पोलीस निरीक्षक प्रवीण बाकले करीत आहेत.