हा अपघात एवढा जबरदस्त होता, की कार धडकताच विजेच्या खांबासह कारचा देखील चुराडा झाला. या धडकेत दुचाकीस्वार सचिन रामकृष्ण दुधंडे (वय ३५ वर्ष, राहणार लासुर) हा जागीच ठार झाला, तर कारमध्ये असलेल्या पाच जणांपैकी दोघा जणांना रुग्णालयात नेताना वाटेत मृत्यूने गाठले.
मृतांमध्ये प्रतीक राऊत (वय २५ वर्ष, रा. बुलढाणा) व प्रफुल नानाजी गावंडे (वय २८ वर्ष, रा. बुलढाणा) यांचा समावेश आहे. तर या अपघातात शुभम नागपुरे (२८), शुभम दुर्गे (२४) व पावन रामचंद्र तायडे (२७) (सर्व रा बुलढाणा) जखमी झाले आहेत. अपघातात जखमी झालेले हे तिघेही गंभीर अवस्थेत असून दर्यापूर उपजिल्हा रुग्णालयातील ड्युटीवर असलेले डॉक्टर संतोष डाबेराव यांनी त्यांच्यावर उपचार करत तातडीने अमरावती येथील जिल्हा सामान्य रुग्णालयात पाठवण्यात आले आहे.
तरुणानं बनवली अॅक्सिडेंट अलर्ट सिस्टम; अपघाताची सूचना अन् लोकेशन थेट नातेवाईकांसह रुग्णवाहिकेला
या कारच्या मागे असणाऱ्या दुसऱ्या कारमध्ये बसलेल्या किशोर हिंडोळे (रा बुलढाणा) यांनी अपघाताची माहिती दिली. दर्यापूर पोलीस तातडीने घटनास्थळी दाखल झाले असून सर्व मृत व जखमींना दर्यापूर उपजिल्हा रुग्णालयात आणण्यात आले आहे. यावेळी उपस्थित असणाऱ्या नागरिकांनी तातडीने धाव घेत रुग्णसेवा दिली. नाना माहुरे, अनंत गावन्डे, विनय गावन्डे, शरद ठाकरे, सुनील अपराधी व सचिन शेलारे यांनी मदत केली.