मुंबईः वर्सोवा ते विरार प्रस्तावित सागरी सेतू मार्ग (सी लिंक) आता पालघरपर्यंत वाढवण्यात येणार आहे. मुंबई महानगर क्षेत्रविकास प्राधिकरणाने (एमएमआरडीए) तशा हालचाली सुरू केल्या आहेत. मुख्यमंत्र्यांच्या आदेशानंतर एमएमआरडीएने तशा निर्णय घेतला असून लवकरच यासंबंधी अहवाल तयार करण्याचे काम सुरु करण्यात येणार आहे. वर्सोवा-विरार सागरी सेतूचे कामयापूर्वी राज्य रस्ते विकास महामंडळाकडे (एमएसआरडीसी)कडे होते. मात्र आता हा प्रकल्प एमएमआरडीएकडे हस्तांतरित केला आहे. एमएमआरडीए या वर्षाअखेर मुंबईतील तिसऱ्या सीलिंकचे काम सुरु करण्याच्या प्रयत्नात आहे. प्रस्तावित सागरी सेतू प्रकल्पाच्या खर्चात तब्बल आठ हजार कोटींनी वाढ झाली आहे. या प्रकल्पाचा पहिलेचा खर्च जवळपास ३२ हजार कोटी इतका होता. आता हा खर्च जवळपास ४० हजार कोटी इतका झाला आहे. एमएमआरडीए पुलाचे काम सुरू करण्याआधी एमएसआरडीसीने तयार केलेल्या अहवाल तपासणार आहे. मूळ अहवालाचा नवा तपासणी अहवाल तयार होणार आहे. त्यासाठी ‘एमएमआरडीए’ने निविदा काढली असून, त्याद्वारे सल्लागार नेमला जाणार आहे.
वर्सोवा ते पालघरपर्यंत बनवणारा हा मुंबईतील तिसरा सी लिंक असणार आहे. वांद्रे ते वरळीदरम्यान ५.६ किलीमीटर लांबीचा एक सीलिंक २०१०मध्ये तयार करण्यात आला होता. या पुलावरुन रोज हजारो वाहनांचा प्रवास होतो. तर, वांद्रे ते वर्सोवापर्यंत १७ किलोमीटर लांबीच्या सीलिंकचे काम प्रगतीपथावर आहे. ८ लेन असलेल्या यापुलासाठी ११ हजार ३३२ कोटींचा खर्च येणार आहे. हे तिन्ही सी लिंक एकमेकांना जोडण्याची सरकारची योजना आहे.
वर्सोवा ते पालघरपर्यंत बनवणारा हा मुंबईतील तिसरा सी लिंक असणार आहे. वांद्रे ते वरळीदरम्यान ५.६ किलीमीटर लांबीचा एक सीलिंक २०१०मध्ये तयार करण्यात आला होता. या पुलावरुन रोज हजारो वाहनांचा प्रवास होतो. तर, वांद्रे ते वर्सोवापर्यंत १७ किलोमीटर लांबीच्या सीलिंकचे काम प्रगतीपथावर आहे. ८ लेन असलेल्या यापुलासाठी ११ हजार ३३२ कोटींचा खर्च येणार आहे. हे तिन्ही सी लिंक एकमेकांना जोडण्याची सरकारची योजना आहे.
सोलंकी प्रकरणाला नवा ट्विस्ट; २ महिन्यांनंतर एका विद्यार्थ्याला अटक, चिठ्ठीत दर्शनने काय लिहिलेलं?
तिसऱ्या सी लिंकचे काम सरकारने दोन टप्प्यात करण्याचा निर्णय घेतला आहे. पहिल्या टप्प्यात वर्सोवा ते वसई आणि दुसऱ्या टप्प्यात वसई ते विरारपर्यंत नेण्याची योजना होती. मात्र आता ते वाढवून पालघरपर्यंत नेण्यात येणार आहे. वाहन चालकांच्या सुविधांचाही पूर्ण विचार करण्यात येणार आहे. संपूर्ण मार्गात चार कनेक्टर तयार करण्यात येणार आहेत. पूल तयार झाल्यानंतर प्रवासांचा अर्धा वेळ वाचणार आहे.
ना बॉडी सापडली, ना डीएनए जुळला; मुंबईतील बेपत्ता विद्यार्थिनी प्रकरणात आता लास्ट सीन थिअरी
असा असेल सी लिंक
वर्सोवा-पालघर हा मार्ग एकूण ४२.७५ किलोमीटरचा असेल. या मार्गिकेवर चारकोप, मिरा- भाईंदर, वसई, विरार असे चार कनेक्ट असतील. या चारही ठिकाणांहून सागरी सेतू जोडला जाणार आहे. सागरी किनाऱ्यापासून एक किलोमीटरवर हा मार्ग असेल. अंधेरी पश्चिम ते विरारला ही मार्गिका संलग्न असेल. गोराई, उत्तन, वसई व विरार येथे चार टोल प्लाझा असतील. तसेच या मार्गिकेपासून वसईपर्यंत १८.४६ किमीचा विशेष रस्ताही प्रस्तावित आहे.
विद्यार्थ्यांच्या जीवाशी खेळ ; एकाच रिक्षात १५ ते २० विद्यार्थ्यांना कोंबून प्रवास