सातारा : सातारा जिल्ह्याचे विविध क्षेत्रात नाव चमकले असले तरी हवाईक्षेत्र त्याला अपवाद होता. या क्षेत्रातही जिल्ह्याचे नाव चमकले असून चिराग डोईफोडेच्या रुपाने दुसरा कमर्शियल पायलट जिल्ह्याला मिळाला आहे. पळशी (ता. माण) येथील चित्रपट निर्माते, देवमाणूस या मालिकेतील ‘लाला ‘फेम डॉ. शशिकांत डोईफोडे यांचा मुलगा चिराग डोईफोडे हा अवघ्या २३ व्या वर्षी कमर्शिअल पायलट झाला आहे. नुकताच त्याला पायलटचा परवाना मिळाला आहे. चिरागच्या रुपाने डोईफोडे कुटुंबाची इच्छापूर्ती झाल्याने कुटुंबियांच्या वतीने हनुमान जयंती दिवशी पळशी (ता. माण) येथील ग्रामदैवत असलेल्या हनुमान मंदिरावर हेलिकॉप्टरमधून पुष्पवृष्टीही करण्यात आली.
चिरागचे पहिली ते चौथीपर्यंतचे शिक्षण पळशी येथील जिल्हा परिषद शाळेत झाले. गावातील अनेकजण प्रशासकीय सेवेत असल्याचे त्याने लहानपणापासून पाहिले होते. मी चित्रपट निर्माता, अभिनेता आहे, तर त्याची आई पिंपरी (ता. माण) येथील जिल्हा परिषद शाळेत प्राथमिक शिक्षिका आहे. त्यामुळे आम्हाला वाटायचे की तो डॉक्टर किंवा प्रशासकीय सेवेत जाईल. परंतु चौथीनंतर पाचवी ते बारावीपर्यंत शिक्षणासाठी तो बारामती येथे गेला. तिथे सातवीत असताना त्यांची सायकल विकायची होती, ती घेण्यासाठी एक हवाई इंजिनियरला आला. तेव्हा चिरागने मलासुध्दा विमानतळ बघायचे आहे, असा हट्ट धरला. आम्ही आणि तो इंजिनियर चिरागला घेऊन गेलो असता बारामती येथील प्रशिक्षण केंद्रात वैमानिकाचे प्रशिक्षण चालले होते. ते बघून त्याचवेळेस चिरागने आम्हाला मला वैमानिक व्हायचे असे सांगितले आणि तिथूनच त्याचा वैमानिक होण्याचा प्रवास सुरु झाला, असं चिरागच्या वडिलांनी सांगितलं.
चिरागचे पहिली ते चौथीपर्यंतचे शिक्षण पळशी येथील जिल्हा परिषद शाळेत झाले. गावातील अनेकजण प्रशासकीय सेवेत असल्याचे त्याने लहानपणापासून पाहिले होते. मी चित्रपट निर्माता, अभिनेता आहे, तर त्याची आई पिंपरी (ता. माण) येथील जिल्हा परिषद शाळेत प्राथमिक शिक्षिका आहे. त्यामुळे आम्हाला वाटायचे की तो डॉक्टर किंवा प्रशासकीय सेवेत जाईल. परंतु चौथीनंतर पाचवी ते बारावीपर्यंत शिक्षणासाठी तो बारामती येथे गेला. तिथे सातवीत असताना त्यांची सायकल विकायची होती, ती घेण्यासाठी एक हवाई इंजिनियरला आला. तेव्हा चिरागने मलासुध्दा विमानतळ बघायचे आहे, असा हट्ट धरला. आम्ही आणि तो इंजिनियर चिरागला घेऊन गेलो असता बारामती येथील प्रशिक्षण केंद्रात वैमानिकाचे प्रशिक्षण चालले होते. ते बघून त्याचवेळेस चिरागने आम्हाला मला वैमानिक व्हायचे असे सांगितले आणि तिथूनच त्याचा वैमानिक होण्याचा प्रवास सुरु झाला, असं चिरागच्या वडिलांनी सांगितलं.
चिरागने दीड वर्षात कठीण परीक्षा पास केली
बारावी पास झाल्यानंतर त्याने डीजीसीए अंतर्गत विविध परीक्षा दिल्या. या परीक्षा या स्पर्धा परीक्षेसारख्याच असतात आणि त्याचे ६ पेपर असतात. डीजीसीएच्या परीक्षा पास होण्यासाठी काही जणांना ५ ते १० वर्षांचा कालवधी लागतो; परंतु चिराग त्यात दीड ते दोन वर्षांमध्येच पास झाला. सर्व पेपर्स पास झाल्यानंतर त्याचे वैमानिकाचे प्रशिक्षण सुरु झाले. दिल्ली, बारामती, आसाम, बेंगलोर येथे प्रशिक्षण पूर्ण केल्यानंतर गेल्या आठवड्यातच त्याला कमर्शिअल पायलटचा परवाना मिळाला. आता तो जगात कुठेही वैमानिक म्हणून काम करु शकतो.
मुलगा वैमानिक होऊ दे, हनुमानाला नवस बोललो होतो
गेल्यावर्षी ग्रामदैवत हनुमान मंदिराच्या दर्शनासाठी आम्ही दोघे गेलो असता मी हनुमानाला माझा मुलगा वैमानिक होऊ दे. मी पुष्पवृष्टी करेन, अशी इच्छा बोललो होतो. त्याप्रमाणे तो वैमानिक झाल्याने हनुमान जयंतीला ग्रामदैवत हनुमान मंदिरावर हेलिकॉप्टरमधून इच्छापूर्तीबद्दल पुष्पवृष्टी केल्याचे चिरागचे वडील डॉक्टर शशिकांत डोईफोडे यांनी सांगितले.
पळशी येथे हेलिपॅड तयार केले होते. सकाळी ७ वाजता मंदिरावर हेलिकॉप्टरमधून पुष्पवृष्टी करण्यात आली. सातवीत असताना मुलाने जे स्वप्न बघितले होते ते पूर्ण झाल्याचा आनंद त्याच्या आईवडिलांना झा असून हवाईक्षेत्रात अनेक संधी आहेत, त्याचा शोध घेऊन मुलांनी त्यात प्राविण्य मिळवण्याची गरज आहे.
पळशी (ता. माण) हे अधिकाऱ्यांच गाव असा नावलौकिक आहे. पळशीमधील जवळपास ७५ क्लासवन अधिकारी कार्यरत आहे. लहानपणापासून गावातील अनेकजण प्रशासकीय सेवेत असल्याचे मी बघितले आहे. परंतु यांच्यापेक्षा काहीतरी वेगळे करावे असे मला वाटते होते. त्याप्रमाणे सातवीत असतानाच ते मला गवसले आणि ध्येय समोर ठेवून मी ते गाठले. हवाईक्षेत्रात वैमानिक सोडून इतर अनेक संधी आहेत. त्याचा युवक, युवतींनी फायदा घेतला पाहिजे, तसे झाले तर सातारा जिल्ह्याचे नाव या क्षेत्रातही अग्रक्रमाने घेतले जाईल, असे मत महाराष्ट्र टाइम्स ऑनलाइनच्या प्रतिनिधींशी बोलताना चिराग डोईफोडे याने व्यक्त केले.