चंद्रपूर : चंद्रपुरात बांबूपासून बनवलेल्या ताटवे – टोपल्या गेल्या पन्नास वर्षांपासून विकत आहेत गंगुबाई अर्थात अम्मा जोरगेवार. गंगुबाई जोरगेवार या चंद्रपूरचे अपक्ष आमदार किशोर जोरगेवार यांच्या मातोश्री आहेत. चंद्रपूरच्या घनदाट वस्तीत गेली पन्नास वर्षे नेटाने हाच व्यवसाय करणाऱ्या अम्मा जोरगेवार यांनी यंदाही देवी महाकाली यात्रेत आपला व्यवसाय थाटला आहे. तीच घासाघीस तेच सौदे आणि त्यानंतर श्रद्धेने देवी दर्शनासाठी आलेल्या भाविकांना चंद्रपूरच्या बांबूच्या टोपल्या देण्यात आनंद शोधत आहेत. वार्धक्य आले तरी आणि मुलगा लोकप्रतिनिधी झाला तरी गंगुबाईंची व्यावसायिक धडपड सुरूच आहे.मुलगा चंद्रपूरचा आमदार आहे आणि ८० वर्षांच्या गंगुबाई चंद्रपूरच्या देवी महाकाली यात्रेत बांबूपासून बनवलेल्या टोपल्या आणि इतर वस्तू विकतात. आश्चर्य वाटेल, पण चंद्रपूरचे अपक्ष आमदार किशोर जोरगेवार यांच्या मातोश्री गंगुबाई जोरगेवार वयाच्या ८०व्या वर्षी आपल्या व्यवसायाशी एकनिष्ठ आहेत. वार्धक्य आले असले तरी बुरुड कारागिरांशी थेट संपर्क असलेल्या आणि आपला व्यवसाय नेटाने चालविणाऱ्या गंगुबाई यंदाही देवी महाकाली यात्रेत आपला व्यवसाय समर्थपणे करत आहेत.
अयोध्येशी चंद्रपूरचे जुळले नाते! रामनामाच्या गजरात बल्लापुरातून सागवनाची पहिली खेप रवाना
चंद्रपूरच्या घनदाट वस्तीत गेली पन्नास वर्षे नेटाने हाच व्यवसाय करणाऱ्या अम्मा जोरगेवार यांनी यंदाही देवी महाकाली यात्रेत थेट फुटपाथवर आपला व्यवसाय थाटलाय. ‘त्यात काय लाजायचं. कष्टाने समाधान मिळत असेल तर आनंदच आहे’, अशी प्रतिक्रिया चंद्रपूरचे आमदार आणि गंगुबाई जोरगेवार यांचे सुपुत्र किशोर जोरगेवार यांनी दिली. बांबू ताटवे, टोपल्या यांचा पिढीजात धंदा करणारे जोरगेवार कुटुंब आजही आपल्या व्यवसायावर ठाम आहेत. तेच श्रम- तोच व्यवसाय- तेच कष्ट आणि तोच आनंद मिळवत आहे. आपल्या आईला व्यवसायाच्या ठिकाणी दमदार गाडीतून सोडणाऱ्या किशोर जोरगेवार यांना या श्रमाचाही प्रचंड अभिमान आहे.
लाल मिरचीने सुखावलं; १० वर्षांतील सर्वाधिक भाव, व्यापाऱ्यांनी थेट गाठली शेतकऱ्यांची घरं
याच मातीतले ज्येष्ठ समाजसेवक कै. बाबा आमटे यांनी ‘श्रम ही है श्रीराम हमारा’ हा नारा दिला होता. हीच उक्ती तंतोतंत लागू होत असलेल्या गंगुबाई जोरगेवार यांच्या या धडपडीचं कौतुक होत आहे.