पुणे : पुणे शहरात गेल्या काही दिवसांपासून राजकीय नेत्यांना धमकी देण्याचा प्रकार समोर आला होता. नेत्यांकडे ३० लाख रुपयांच्या खंडणीची मागणी करुन ती न दिल्यास जीवे ठार मारण्याची धमकी दिली जात होती. वारंवार घडणाऱ्या या घटनांमुळे पुणे पोलिसांवरील ताण चांगलाच वाढला होता. अखेर आरोपीला खंडणी विरोधी पथकाने अटक केली आहे. गर्लफ्रेण्डने लग्नाला नकार दिल्याच्या रागातून तिच्यावरील सूड उगवण्यासाठी तरुणाने तिच्या नावे धमक्या दिल्याचा आरोप आहे. इम्राल शेख (वय अंदाजे २५ वर्ष, रा. कोंढवा) असे या आरोपीचे नाव आहे. खंडणी विरोधी पथकाने त्याला पुण्यातून अटक केली आहे.मनसेचे माजी नगरसेवक वसंत मोरे यांच्या मुलाला पहिल्यांदा धमकी देण्यात आली होती. त्यानंतर भाजप सरचिटणीस आणि पुण्याचे माजी महापौर मुरलीधर मोहळ यांच्या नावाने एका अज्ञात व्यक्तीकडे खंडणी मागण्यात आली होती. तर त्यानंतर काँग्रेसचे माजी नगरसेवक अविनाश बागवे यांनाही खंडणीसाठी व्हॉट्सअॅपवर मेसेज आणि फोन आले होते. गुरूवारी पिंपरी-चिंचवडचे भाजप शहराध्यक्ष व आमदार महेश लांडगे यांच्या कार्यालयातील मोबाईलवरही ३० लाख रुपयांच्या खंडणीची मागणी करणारा मेसेज आला होता.
सेवानिवृत्तीचे वय साठीवर नेऊ नका, उलट ५८ वरून ५० वर्ष करा, मुख्यमंत्री शिंदेंकडे मागणी
या सगळ्या प्रकरणांमध्ये आरोपीचा पॅटर्न बऱ्यापैकी सारखा होता. या घटनेत सगळ्या नेत्यांना एका मुलीच्या नावाने खंडणी मागितली जात होती. पुणे खराडी येथे एका इमारतीच्या पार्किंगमध्ये एका इनोव्हा गाडीत पैसे ठेवायला हा आरोपी सांगायचा.मोदी लाटेत आमदार, पण जागा राखण्यात अपयश, मुळीक लोकसभा गाजवणार?
या घटनेमागील कहाणी धक्कादायक आहे. आरोपी इम्रानला एका मुलीसोबत लग्न करायचं होतं. मात्र मुलीने लग्नाला नकार दिला. त्याचा राग मानात धरून त्याने मुलीची बदनामी करण्याच्या हेतूने हा प्लॅन आखला. तो संबंधित मुलीच्या नावाने राजकीय नेत्यांना धमकी द्यायचा आणि त्या मुलीच्या गाडीचा नंबर सांगून त्यात रक्कम ठेवण्यासाठी सांगत होता, अशी प्राथमिक माहिती मिळालेली आहे.
शरीरसुख नाकारणाऱ्या गर्भवती सुनेची हत्या, नराधम सासऱ्याने चिमुकल्या नातीलाही संपवलं
